Shillong, Nohprah 04: Ka ophis ba de peit ia kiba pang TB jong ka Ri Bhoi District kala sam jingbam sha kiba pang kiba hap hapoh jong ka Patharkhmah CHC, kine ki jingbam kiba la sam ka long ban iarap ia kiba shitom da ka jingbam tei met.
Kane ka jingsam jingbam sha ki ba don ia kane ka jingpang TB ka long shibynta na ka skhim jong ka sorkar pdeng ha kaba u myntri rangbah duh jong ka Ri India u Narendra Modi ba ia kane ka jingpang dei ban rat jynduh na ka ri ha u snem 2025.
La kyntu ia baroh ki seng sain pyrthei, ki seng bhalang, ki riew shimet ba kin wan sha khmat ban iarap lem ban ia leh pyrshah ia kane ka jingpang ha kaba yn lah ban pyioh ia katei ka thong ban pynduh pyndam ia kane ka jingpang na ka Ri.
La kyntu ia ki paidbah ban wan sha khmat ban phah test lada ki don ka jingsngewthud bad kane ka jingpeit bniah ka dei kaba ym don kam ban siew ei ei, bad kine ki jaka peit bniah ki don ha ki jaka ai jingsumar ha kylleng ha ka jylla.
Ha kane ka jingialang la ong ba kine ki jingbam la ai sngewbha da u Dr. P. Kharnarry ba dei u District Medical bad Health Officer jong ka Ri Bhoi District, ia ki jingbam la sam da u District TB Officer jong ka Ri Bhoi District bad ia ka jingialang la pyniaid da u Dr. K Lyngdoh ba dei peit ia ka CHC Patharkhmah.
