Sam jingiarap ka “Shlem jingiarap” u Rupang sha 10 tylli ki long iing ba duk

Shillong, Nohprah 28: Ha ka sien kaba phra ba ka “Shlem Jingiarap” ia kiba duk kaba la seng da ka kot khubor u Rupang mynta ka sngi kala noh ia ka jingiarap sha ki 10 tylli ki long iing kiba duk jong ka Ri Khasi Jaintia.

Shuwa ba kan don ka jingsam ia ki jingiarap sha ki briew kiba la jied na kylleng ka don ka jingkren na ki riew rangbah, u Sordar jong ka shnong Swer u Bah Sondran Nongrum, ha ka jingkren jong u la pynpaw ia ka jingsngew kmen ban iohi ba dang don kiba pyrkhat lem ia kiba duk kiba ym don ba phai khmat sha ki.

Na ka liang jong u sordar u la ai jignmut ba lada ka long ai kane ka shlem jingiarap kan pan jingiarap na kiba kham don kham em ban iara kylliang sha ki baduk, na ka liang jong u la ai ka jingkular ba un noh syniang lang katba la leh ha u snem ban wan kum u wei na ki riew paidbah.

U Bah Arwan Tariang rangbah shnong ka Mawkhar, u la ong kane ka jingiarap kaba la leh da ka Shlem jingiarap na u Rupang, u la ong ba kane ka pyni ba ka dang don ka mynsiem iarap iwei ia iwei pat. La ong ba kham nair ha kane juk kaba mynta ban don kum kane namar ka ia beh tang na ka bynta la dep shimet.

La ong ba wat ha pdeng kane ka jingkylla jong ka por hynrei ka long kaba sngew tynnad ba ki dang don ki riew rangbah kiba dang ia pyrkhat ban noh lem ia ka jingiarap sha kiba duk, la ong ba ai ka mynsiem ia tip lem kan dang iaid im.

Ia ka jingialang la pyniaid da u Bah Jit bad la don lang ruh u Babu kullar Khongjirem secretary, u bah FC Shullai general secretary ka APSTA, u bah RM Shabong trai jong u Rupang bad kiwei kiwei de ki riew rangbah.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet