Sam khaw ka shnong Umkiang, EJH District sha ki 430 tylli ki long iing ba duk hapoh shnong

Shillong, Jymmang 12: Ka Covid 19 Relief Fund Committee  Umkiang, mynta ka sngi, ka la pynlong ia ka Jingiasam jingbam sha ki ba duk kiba don hapoh ka Shnong Umkiang, khlem da khein ia ka niam, ka jait, naduh ki khasi pnar, ki bar jylla.

Ha kane ka sngi sam jingbam la pynlong shwa ia ka jinghikai ban ai jinghikai katkum ki jingbthah ka Sokar, ha ka jingdonlang jong u Bah Lasting Pala, Waheh Shnong bad u bah  Nicholas Lyngdoh Secretary Shnong kum ki Conveners jong ka Covid 19 Relief Fund Committee Umkiang.

Ia kane ka Kommittee la seng ha ka tarik 06-05-2020, ryngkat bad ki riew rangbah ka Shnong Umkiang, kum u u bah  Sailen Sing Sutnga, u Bah  Pardonwell Lyngoh, u bah  Stanly Pala, u bah Datipshwa Nongrum, u bah  Wanris Rymbai  ki Rangbah Dong bad Secretary Dong jong ki 10 tylli ki Dong, ryngkat bad ki Seng Samla Shnong Umkiang, VDP, Volunteers bad kiwei kiwei ki riew rangbah jong ka Shnong.

Ki nongioh bynta, ki don kumba 430 tylli tam ki longing naduh ki trai shnong. Kumta na kaliang jogn ka shnong ka  ai khublei kyrpang ia ki para nongshong shnong kiba noh synniang sha ka Covid 19 Relief Fund Committee Umkiang, namar lyngba ka jingianoh synniang ka jong ki kaba la kot sha ka duna arlak tyngka, nalor kiba ai sngewbha da u khaw kaba kot sha ka 10 quintal tam ka pynlong ia kane ka sngi ka bajop.

Kane ka sngi 12-05-2020,  ka long ka sngi basah jingkynmaw kaba khraw tam ia ka Shnong Umkiang, namar ka don ka jingiatylli, jingiaieit, bad jingleh sbun hapdeng ki para nongshong Shnong.

Bad la pynwai ia ka jingiasam jingbam ne ka Awareness Programme na ka bynta ka jingsaphriang u khniang jingpang Covid 19 da ka jingduwai sngewnguh ia U Blei, ba Un kyrkhu shuh shuh ia ki nongshong Shnong Umkiang khamtam ia ki Nongaisngewbha bad ia ki nongkitkam Shnong, Ki Seng Samla, Ki VDP, Volunteer bad iabaroh ki nongshong Umkiang. Imslem Nongai snewbha ! Imslem Umkiang.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet