Shillong, Iaiong 04: Ban rakhe ia kane ka sngi “Pynehryngiew” ka KSU mynta ka sngi kala sam ia ki kot lyngkdop ha kylleng kane ka nongbah Shillong, ha kaba la thoh shai kdar ba balei la don kam ban rakhe kyrpang ia kane ka sngi.
Ha kane ka kot lyngkdop na ka liang jong ka KSU kala batai shai ba kumno ki dohlieh ha kito ki snem kila hiar thma ia u Syiem Jaintiapur bad kum juh ia ki hima khasi bad khamtam eh ia ka Hima Nongkhlaw ha kaba kala mih ka thma ha pdeng ki dohling bad ki briew jong ka hima Nongkhlaw.
Namar dei ha kum kane ka sngi ba ka mynsiem ialeh kala rung ha ki paidbah khasi ban ia khun ia ki dohling kiba la pyrhang ban ban biew ia ki kynthei khynnah ha kane ka Ri lum khasi ba dei ha kane ka sngi 04th Iaiong 1929 ba u Syiem Tirot Sing Syiem jong ka Hima Nongkhlaw u la ia khun pyrshah ia ki phareng.
Na ka liang jong ka KSU kaba la maitphang ia kane kala shim ia kane ka sngi kum ka “Khasi National Awakening Day” haba kren ha u SP News Agency, u samla Lamborstarwell Marnger u la ong ba ia mynta u snem ka KSU kala pynlait ia kane ka kot lyngkdop kaba la sam paidbah mynta ka sngi.
