Shillong, Naiwieng 19: Mynta ka sngi u bah Adelbert Nongrum MLA jong ka 17-North Shillong Konstitwensi mynta ka sngi u la sam ia ki tiar ban pyndon kam ha ki shnong ki thaw, kum ki shuki, ki Syntex, ki khiew shet, ki tiar tih thliew kaba ki shnong kithaw ki don kam, ia kane la sam ha ka jingialang kaba la pynlong ha iing dorbar jong ka Jaiaw Lum Pyllon ha ka jingiadon lang ki rangbah shnong.
Haba kren ha kane ka jingialang u bah Adelbert u la pyntip ha kane ka jingialang ba ia kine ki tiar la thied na ka skhim Special Urban Development Scheme jong ka snem mang tyngka 2019-2020, kane ka jignsam ka long sha baroh ki dorbar shnong kiba hap hapoh ka konstitwensi.
Na ka liang jong u MLA u la ong ba u hap ban peit ia ka jingdon kam jong ka konstitwensi kiba bun rukom na duh ka jingsam ia ki tiar ki jingshna ia kiba don kam bad ha ka kuh ka por ban maramot ia kaba la don kam ba dei ban leh. La ong ba ki don shibun ki aplikoshon ba dang hap ban leh.
U Bah Adekbert u la ai khublei ia ki paidbah kiba la ai ia u kane ka lad ban shakri ia ki paidbah ka konstitwensi bad ia ka jylla, u la ong ba kumba ki paidbah kila bynshed ha u ia kane ka kam ban trei u la ialeh ruh ban pyndep katkum ka jingangnud jong ki paidbah kum u MLA.
Ha kane ka jingkren ban sam ia ki tiar sha ki shnong ba kin pyndon kam, la ong ba “Ngan pyndep ia ka jingdon kam, ym ia ka jingkwah” ha kine ki snem u la ong ba u la ialeh ban pynbiang ia ki jingdon kam ki shnong ki thaw.
Ha kane ka sngi la ia don da ki rangbah shnong bad na ki kommittee bahap hapoh jong ka konstitwensi ban shim ia ki tiar ban rah sha ki shnong ki shnong bad ia ki la wan shim da ki rangbah shnong.
