Shillong, Nailur 04: Kum shi bynta ban ai mynsiem ia ki Riew Donsap ha ki kam ialehkai Sports bad kumjuh ruh ban iarap lem ha ka ban kyntiew ia ki khun samla jong ka Mawkynrew Constituency ban poi sha ki Kyrdan jong ka nam, U Bah Banteidor Lyngdoh MDC ka Mawkynrew Constituency u la noh synñiang Rs.20,000/- sha San ngut ki khun samla kiba dei na ka Shnong Jatah lakadong kiba la iohlad ban leit mihkhmat ia ka jylla hapoh ka lama jong ka Ka Meghalaya State Kick-Boxing Association (MSKA) sha ka rynsan ïakhun jong ka Cadets-Junior bad Senior National Kickboxing Championship 2017-18 ka ban long ha sorbah Raipur, Chhattisgarh naduh ka 6-10 tarik mynta u bnai Nailur 2017.
Kine ki khun samla na ka shnong Jatah Lakadong kaba hap hapoh jong ka Mawkynrew Constituency ki kynthup ia i Samla Narimon Nongrum, Donius Nongrum, Pynskhemborlang Nongrum,Cleophas Mynsong bad Kitlang Surong. Haba kren ha ka jingialang kaba lyngkot kum shibynta ban ai mynsiem ia kitei ki khun samla na ka liang jong U Bah Banteidor Lyngdoh (Bah Pai) MDC ka Mawkynrew Constituency u la ai khublei kitbok kitrwiang bad kyrkhu kyrdoh ia kitei ki khun samla ba kidei ban don ia ka Mynsiem iakhun tad haduh ban da ioh kheit ia u Soh jong ka jingjop.
U Bah Banteidor, u la ong ruh ba hooid ka jing shah jied jong ki ban mih khmat ia ka Jylla ka la long shisha ka burom kaba khraw tam ym tang ia ka ing ka sem, ka shnong ka thaw, ka Constituency hynrei ia ka jylla hi baroh kawei kumta u la kyntu ba ki dei ban trei shitom khlem da klet ruh ia u Blei Trai Kynrad ba un da un ker ban ri ban sumar tad haduh ba kin da wanphai pat sha la ka jong ka Muluk ha ryngkat ka risa ka kynhoi. Na ka liang jong u, u la ong ruh ba ine idei tang i synniang iba rit eh hynrei ula ai da ka Mynsiem kaba Sbun bad u don ka jingngeit kaba skhem ba u synniang uba u la noh da ka Mynsiem kaba kylluid kan long ka jingkyrkhu ban phrang bad ban saindur ia ka lawei jong kine ki khun samla.
Ha kane ka sngi la synran ruh ia kitei ki khun samla jong ka Shnong Jatah Lakadong da u Sordar Shnong uba ju khot ieit u Bahduh Rochain, ki kmie ki kpa lem bad ki arngut ki Referee kiba kynthup ia u Bah Pynsuklang Sumer & Bah Fourwell Khongmalai.
