Saphriang ka Video ha WhatsApp ba niah kali u ksew ha PB, khot ki pulit ia u trai kali

KsewShillong, Nailur 28: Mynta ka sngi kala saphriang ka video ha ki WhatsApp ba u ksew u niah ia ka kali Maruti ha khyndait lad ka jaka ba khapngiah kali bha bad kane ka Video kala pynlyngoh ia ki briew kiba iohi ia kane ka video ba kumno u ksew u lah ban niah kali.

Katkum kane ka video kaba la saphriang mynta ka sngi ha ki WhatsApp la iohi ba hapoh kali u don u wei u rangbah ba shnong sha ka kadiang ha ka jaka shong kaba sha khmat bad ha ka jaka ba dei ban shong u draibar ban niah ia ka kali la don da u ksew.

U Superintendent ki pulit ba dei peit ia ka jingpyniaid ia ki kali hapoh jong ka East Khasi Hills District u Bah Banshanbor J. Laloo, haba kren ha u SP News Agency u la ong ba u ksew ban niah kali kaba ym lah ban long.

La ong ba leh se kane ka dei ka video kaba la shu edit, hynrei na ka liang jong ki pulit kila phah khot ia u trai jong ka kali ba un wan mih ha khmat jong ki pulit la shai ka sngi haba ia dei bad kane ka Video kaba la saphriang mynta ka sngi.

What Next?

Recent Articles

Leave a Reply

Submit Comment

*