Shillong, Rymphang 21: Ka jingialap ilekshon MDC ha ki ar tylli ki iing dorbar ka KHADC bad JHADC kan kut ha ka sngi nyngkong ban wan bad ka jingjied ia ki MDC kan long ha ka 27 tarik mynta u bnai sha kitei ki ar tylli ki iing dorbar thawain.
Ka jingkanbas ilekshon sha ka iing dorbar jong ka KHADC kala shongshit ha kine ki sngi ha kaba bun na ki konstitwensi kila sakhi ia kane, ka Mawkhar- Pynthor, ka Mawsynram, ka Mawkyrwat, ka Mawlai kine ki dei ki konstitwensi kiba kham shongshit na pdeng ki MDC konstitwensi.
Ha kine ki jingialap ileskhon ki party bapher bapher, kiba khampaw kum ka Congress, ka NPP, ka UDP, ka PDF kila ia pyrshang ban pynksan iala ki jong ki jong ki nongrim ban khring ia ki paidbah nongthep vote ba kin ai ka jingkyrshan ia ki kyrtong kaba ki party ka pynieng.
