Sdang bishar bniah ka BJP ia kiba kwah ia khun MLA, ha u Nphprah yn pynbna ia ki kyrteng

Shillong, Nailur 10: Ha u bnai Nohprah ka seng BJP kan sa pynbna ia ki kyrtong MLA kiban ia khun na ka party ha ka MLA Election kaban long ha Rymphang 2018. Kum ka party mynta kala sdang ban bishar bniah ia ki kyrtong kiba pan tiket na ka seng.

Ki thymmei khubor kiba ia jan bad seng BJP ki iathuh ba ka party kala sdang ban bishar ia ki kyrtong kiba pan tiket na ka seng BJP, na ka Sohra Constituency, ha kaba u Dr PW Khongjee MLA barim bad u Bah Banteilang Singh Rumnong ki pan tiket na ka seng BJP. Kum kane ka jingbishar bniah kala sdang ha kiwei ki Constituency ruh.

Ha ki Constituency kiba don tang u wei u kyrtong ba pan tiket na ka liang jong ka seng kam don kam ban da bishar bniah, hynrei kin da bishar bniah ia ka jingkhlian jong ka party ha kum kita ki Constituency kum ka Mawsynram Constituency ba don tang u wei u ba pan tiket u Bah Khraw Jyrwa.

Na ka liang jong ka party mynta kala sdang ban bishar bniah kano ka constituency kaba ki thikna ban jop, ka constituency kaba kan don ka jingkyrmen ban jop bad kin don ki constituency kaba kin ia khun wat la kin nym poi sha ka jingjop.

What Next?

Recent Articles

Leave a Reply

Submit Comment
*