Shillong, Jymmang 31: ka jinghikai kaba ar sngi
ki MLA jong ka jylla Meghalaya kiba dang jop thymmai ha kane ka election sha ka iing dorbar kaba shiphew jong ka jylla kala sdang mynta ka sngi bad kan kut la shai ka sngi.
Haka jingkren plie jong u myntri rangbah ka jylla u Conrad K Sangma, u la ong ba kum ki nongmih khmat dei ban sngewthuh khamtam eh ia ki ar tylli ki phang ha kaba ia dei bad ki ka sorkar, kawei ka dei ka kam pisa “Finance” bad kawei kaba ia dei bad ka jingpynkhreh ia ki skhim “Planning”.
Ha ka juh ka por u la ong ba ka kam jong ki MLA ka long ban shan ia ki polisi trei kam jong ka sorkar bad ban ia tai ia kiba bun ki phang hapoh ka iing dorkar, u la ong kam myntoi ban ia bun nia lada ka jingkren kam long nongrim, hynrei lada kren jai jai hynrei haba kren ia ki jingshisha pat ka long kaba kongsan ha ka jingiakren.
Ha ka jingkren jong u Raghunandan Sharma Honorary Advisor jong ka BPST, u la ong ba ka kam jong ki MLA ka long kaba khia namar ki hap ban pyndep ia ka jingkular kaba kila kular ha ka por elelction bad ha ka juh ka por ki hap ban don ka jingiadei ba ia jan bad ki paidbah ba kin sngewthuh ia ka jingeh jong ki bad kumno ban rah ia ki jingeh jong ki paidbah sha ka sorkar.
Kiwei kiba la kren ha kane ka jingialang ki long u Deputy Speaker jong ka iing dorbar thawain ka jylla u TD Shira, ka Kalpana Sharma Joint Secretary jong ka Parliament, u Commissioner Secretary jong ka iing dorbar thawain ka jylla u Bah Andrew Saimon.
Ha kane ka sngi baroh ki MLA kiba dang shujop thymmai ha kane ka election MLA sha ka iing dorbar kaba shiphew jong ka iing dorbar thawain ka jylla kila wan ban ia shim bynta ha kane ka jinghikai kaba kyrpang ban sngewthuh ia ka rukom pyniaid ia ka iing dorbar bad ia ka rukom trei kam jong ka iing dorbar.
