Sdang ka jingialang ki Income-Tax Administrator ka Eastern Zone ha Guwahati

GuwahatiGuwahati, Nailar 17: Ka jinglum khajna (Direct Tax) ha ka ri baroh kawei ka la kot sha ka T. 10 lak 3 hajar klur ha u snem 2017-18. Ia kane la pyntip da ka Shabri Bhattasali, jaba long ka dkhot jong ka Central Board of Direct Taxes (CBDT), kaba la ong ruh ba ka tnat Income Tax ka lum palat ban ka shiteng ka khajna jong ka Sorkar Pdeng, haba ka la ai ia ka jingkren jong ka ha ka jingialang ki Income-Tax Administrator jong ka Eastern Zone ba ar sngi kaba la sdang mynta ka sngi ha Guwahati.

Ka Bhattasali ka la ong ba u Myntri Rangbah Duh u la pynsngew ia ka jingsngew nguh jong u ba la kham bun mynta ki briew kiba siew khajna ha kine ki snem ba la dep, haba u la ai jingkren na Red For kum shi bynta ka jingrakhe ia ka sngi jinglaitluid ba 72 jong ka ri.

“Mynta ka ri ka dang kiew shaphrang bad ka dang rakhe ia ka jingshida,” la ong u Narendra Modi. “Haduh u snem 2013 lane ha kine ki 70 snem ba la leit, la don kumba 4 klur ki briew kiba siew khajna lane ka Direct Tax. Hynrei, mynta kane ka la kiew sha ka 6 klur bad kane ka pyni ba ka ri hi baroh kawei ka la sdang iaid ha ka lynti kaba shida, u la ong”.

Lah ban shu kdew hangne ba ha u snem 2017-18, lah don 6.92 klur ki jingkyntiew Income Tax. Kane ka long kumba 1.31 klur palat ia kaba la iohi ha u snem 2016-17. Ka tnat Income Tax ka la iohi kumba 1.06 klur tylli ki jingkyntiew Income Tax ba thymmai bad ka don ka thong ban pynkyntiew sa 1.25 klur tylli ki nongsiew Income Tax ha une u snem. Ha ka thain shatei lam mihngi, la don 1.89 lak ngut ki nong kyntiew Income Tax.

U L C Joshi Ranee, uba long u Principal Chief Commissioner Income Tax, ka thain shatei lam mihngi, ha ka jingkren jong u ha kane ka sngi u la ong ba la lum T. 7,097 klur na ka thain shatei lam mihngi ha u snem 2017-18 kaba long ka jingkiew kaba 16.7 shah ban ia ka T. 6,082 klur ba la lum ha u snem ba la dep. U la ong ruh ba ka don ka thong ban lum sa T. 8,357 klur ka khajna na kane ka thain ha u snem 2018-19 kaba long ka jingkiew kaba 17.75 shah ia ka jinglum ba la iohi ha u snem ba lah dep.

U Ranee u la ban jur ia ka jingkut jingmut jong ka dkhot Income Tax ba kan lah ban poi sha kane ka thong, ban pynbun ia ki nongsiew khajna bad ban ai ka jingshakri kaba pura ha ki kam ba iadei bad ka jingsiew, jinglum khajana. U la ong ruh ba khnang ban lah ban leh ia kane, la plie ki Aaykar Seva Kendra ha ki 22 ki station ka thain. Dang plie ia ki ophis kiba thymmai ha ka thain khnang ba ki briew kin ioh lad ban kyntiew kyrteng, kin ioh ia ki PAN bad  ki PAN ryngkat bad ka jingsiew khajna kaba suk, u la ong.

La pynlong teng ia kane ka jingialang ha Guwahati san snem mynshuwa bad ha une u snem, la don ryngkat kumba 60 ngut ki ophisar ka tnat Income-Tax ka eastern zone. Ki jingthmu jong kane ka jingialang ki long ban thaw lad ban kyntiew ia ka kam jinglum khajna, ban pynbun ia ki nong siew khajna bad ban ai ka jingshakri kaba kham pura ia ki nongsiew khajna ryngkat bad ka jingkyntiew ia kiwei kiwei ki jingdonkam ba iadei bad kane ka kam. Ka tnat ka don ka jingngeit kaba skhem ba kane ka jingialang kan kyntiew ia ka jingtip bad ka jingsngewthuh jong ki briew ka thain halor ka kam siew khajna.

Shuwa ban sdang ia kane ka jingialang, la don ka jingsngap jar kaba 2 minit kum ka dak ban niew burom ia u Atal Bihari Vajpayee uba la long teng u Myntri Rangbah Duh ka India uba la khlad noh ha ka 16 tarik u Nailar, 2018.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet