Shillong, Jylliew 30: Ka jinglehniam Behdienkhlaw ba shisien shi snem hapoh jong ka elaka Jowai kala sdang mynta ka sngi bad kane ka jinglehniam kan kut ha ka lai tarik mynta u bnai da kaba noh ia ki Rot ha Aitnar ha kaba na ki dong bapher bapher kin wan ban pynpoi ia ki Rot ha kane ka jaka.
Ia kane ka jingleh niam la juh pynlong na u Naitung ha dien ba la dep ban thung ia u kba, ia kane ka jinglehniam la rakhe da ki Pnar. Ha kane ka jinglehniam kala don ruh ka phur ka siang ia ki meidot padot hala ki jong kit nun iing kiba dang but ia ka naim tynrai kaba la tip kum ka Niamtre.
Kane ka jinglehniam kan iaid ter ter naduh mynta ka sngi haduh ban da poi ka lai tarik kata ka long saw sngi lynter jong kane ka jinglehniam bad ia kane ka jinglehniam la juh pynkut ha kaba pynngom ia ki Rot ha Aitnar bad ha dien kata ka but sa ka jingialehkai kynjat bol.
