Shillong, Nailur 28: Mynta ka sngi ka Synod College kala sdang ia ka jingrakhe ba saw sngi lynter ia ka jingdap 150 snem ka sngi kha jong u kpa ka jaidbynriew u Mahatma Gandhi da ka jingpyninam bad ki jingiakop kyntip hapoh jongka College.
Ha kane ka sngi la pynlong ia ka jingiakop kyntip, ka jingpruid dur, ka jingiamir jingmut halor ka phang ka jingsniew kaba mih na kaba lum ba lang ia ki jaboh jabain kiba dei ki nongtrei jong ki Muncipal.
Ha kane ka sngi la pyninam ruh ia ki stamp, ki dur, ki pisa khutia, pisa kot bad ki kot kiba thoh sha phang u Mahatma Gandhi, nalor kitei la pyninam ruh ia ki jingthoh bad ia ki shithi bad ha kane ka sngi la die ruh ia ki jingriam tynrai.
