Sdang khiim  biang ka MCCL, sdang pynmih dewbilat 600 MT ha ka shisngi: F Lyngdoh

Shillong, Jylliew 17: Ka Mawmluh Cherra Cement Limited, kaba don ha Sohra ka dei ka karkhana shna dewbilat jong ka sorkar mynta kala sdang khi im biang ha kaba kala lah ban pynmih 600 MT ka dew bilat ha ka shi sngi.

U General Manager jong ka MCCL u Bah F Lyngdoh haba kren ha u SP News Agency, mynta ka sngi u la iathuh ba ka jingpynmih dewbilat na ka karkhana MCCL ka long 600 MT ha ka sngi, kane ka dei na ka plan kaba thymmai kaba kila lah ban pyndep.

Haba ia dei bad ka iew ia kane ka dewbilat u la ong ba kumba ka long mynta ka biang kam shym don kano kano ka jingeh bad ka dor jong ka ka long katkum ka dor iew bad kiba bun na ki nongthied dei ki riew shimet ban ia kaba shallan sha ki tnad sorkar.

Haba ia dei bad ka jingdon jong ki nongtrei u la ong ba ia mynta ki don 300 ngut bad kiba la dep ban shim ia ka jingshong thiat kaba khlem pat dei por ki long kumba 120 ngut  kane kala kham pynsting ka ka MCCL.

Haba jubab ia ki jingkylli, la ka dei kaba shisha ne em ba ha kane ka kynti kaba mynta ruh kala don  ka jingtyrwa ia ki nongtrei jong ka MCCL ba lada don kiba kwah ban shong thait noh khlem pat dei ruh  lah ban leh, na ka liang jong u General Manager u la ong ba kam pat poi kano kano ka jingthoh kaba kum kata.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet