Mawkyrwat, Nail
ar 29: U Nongialam ba rat bah jong ka seng Congress na South West KHasi Hills Distict u Bah Diverland Lyngdoh u ba la long teng u dkhot jong ka AICC, General Secretary hapoh ka seng Congress mynta ka sngi u la leit ban pyniasoh ia lde bad ka seng NPP ha ka jingalang paidbah ha Mawkyrwat.
Ha kane ka sngi la pynskhem ruh ia ki nongkit kam jong ka seng NPP hapoh Mawkyrwat da u General Secretary jong ka NPP u James K Sangma MLA ha ka jingialang paidbah ha ka jingiadon lang ki nongialam jong ka seng jong ka Meghalaya State Unit.
Ha ka jingkren jong u James K Sangma u la ong ba kane ka jingwan jong u Bah Diverland sha ka NPP ka long ba ki da ka jingwan jong u sha ka NPP ka long ban dup lah ban pynurlong ia ka jingangnud jong ki paidbah ym tang hapoh jong ka Mawkyrwat hynrei wat sha kiwei ki bynta jong ka District ruh.
Kane ka jingwan rung jong u Bah Diverland bad ki paidbah sha ka seng NPP ka pyni ba ki don ka jingshaniah hapoh ka jingialam jong u president ka seng u Conrad K Sangma, namar kumba ka long mynta hapoh ka jingialam jong u Dr Mukul ka jylla kan shym la kiew ha ei ha ei ruh hapdeng ba ka jylla ka don ia ki marpoh khydnew kiba bun jaid.
