Sha khappud Assam pynkha tnat ka KJNU ha Shnong Saphai

JowaiNaitung 01: :Ka seng Khasi Jaintia National Union (KJNU), ban pyniar shuh shuh ia ka tnat trei kam jong ka mynta ka sngi 01.06.2016  ka la lah ban pynkha sa kawei ka tnat trei kam jong ka haka shnong Saphai West Jaintia Hills District kaba la tip kum ka Saphai Unit, ka shnong Saphai ka dei ka shnong kaba don mar khappud bad ka Jylla Assam.

Ha shwa ban pynbam smai ia ki dkhot katei ka Unit la don ka jingialang kaba la pyniaid da u samla Wompherki Kanai President katei ka Unit, ha kaba la ioh ia ki jingkren na u samla Paila Kordor Lyngkot, ma Ymdonbatip Papeng Secretary Shnong, kong Balari Shullai President KJNU Women Wing CB, samla Niman Shadap President KJNU CB, samla Kyrshan Rymbai President PSU, kong Suk Dhar Organising secretary KJNU CB, kong Edlis Suchen General Secretary KJNU Saphai Unit bad kiwei de.

Ia jingpynbam smai ia ki dkhot ka Saphai Unit la ioh na u General Secretary KJNU CB u samla Bishar Samayang, uba la ai ruh ki kyntien kyntu kynpham ia kitei ki dkhot ba thymmai ka seng kumjuh ruh ka jingkyrkhu kyrdoh ia ki. Katba ia ki mat treikam bad jingthmu ba hapdeng eh jong ka seng la batai da u president ka seng u samla Niman Shadap.

Ki dkhot ka Saphai Unit ki kynthup ia u President u samla Wompherki Kanai, General Secretary kong Edlis Suchen, Vice President kong P. Shadap, Assistant General Secretary Iaraplang Suchian, Finance Secretary Modesty Pasah, Organising Secretary Tiplang Biam, Publicity Secretary samla Banroi Marpna lem bad 30 ngut ki Executive Member.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet