Shillong, Iaiong 16: Mynta ka sngi ka All India Trinamool Congress kala pynkha ia ka shnat jong ka party hapoh Sohiong Assembly Konstitwensi bad ha kane ka sngi la thung ia u bah Mr. Stodingster Thabah kum u President bad u bah Dinestar Rani kum u General Secretary lemb ad 16 ngut kiwei pat ki nongkit kam hapoh ka party.
Ha ka jingialang u bah Stodingster president ka AITMC jong ka Sohiong Konstitwensi la ong ba ka party mynta kala dang pyniar shuh shuh ia ki shnat trei kam jong ka sha ki bynta bapher bapher jong ka jylla bad mynta ki ia kynduh ia ki paidbah ban pynshai ia ka nongrim kaba ka party ka ieng. Ka jingpyniasoh ki paidbh bad ka party AITMC ka dei namar ba ki tip ba dei tang ka kaba lah ban ia khun pyrshah ia ka party BJP.
Haba kren ha katei ka jingialang paidbah u bah Bansharai Pyngrope la kyntu ia ki samla kiba la sangeh noh ka jingpule jong kib a kin leit biang ban pyndep ia ka jingpule, ha kane ka sngi u bah Iohborlang Diengdoh president ka party na Sohra u la pynshai paidbah ia ka jingmut bad ki phang trei kam ka party TMC.
Ha kane ka sngi u bah James Lyngdoh Vice President ka party haba kren ha kane ka jingialang la kyntu ia ki nongialam ka party kiba la thung mynta ka sngi ha katei ka Konstitwensi ba kin trei shitom ban pynkha ia ka party ha ki bynta bapher bapher jong ka thain Sohiong. Ha kane ka sngi u bah Macmillan Kharbani, President, Nongstoin Block Trinamool Congress bad kiwei ki nongkit kam kila ia don lang.
