Sha SC yn appeal ka sorkar ia ka rai jong ka MHC halor ka kam thung nonghikai:Dr Mukul

KabinetShillong, Naiwieng 21: Ka jingialang jong ka Kabinet kaba la long mynta ka sngi kala shim ia ka rai ban appeal sha Supreme Court halor ka rai jong ka Meghalaya High Court ha kaba ia dei bad kam thung nonghikai, bad ia kane kan leh da ka tnad pue puthi jong ka jylla.

Haba kren ha ki nongthoh khubor ha dien ba la wai ka jingialang jong ka kabinet U myntri rangbah jong ka jylla u Dr Mukul Sangma  u la ong ba ka kabinet kala ia thir halor ka rai jong ka iing bishar ba don burom jong ka Meghalaya High Court bad ha dien ba la ia kren halor kane ka rai la shim ia ka rai ba ka sorkar kan appeal ia kane ka kam sha Apex Court kaba mut ka iing bishar ba ha khliehduh jong ka Ri ia ka Supreme Court.

Kiwei ki rai kiba ka kabinet kala shim mynta ka sngi ka long ha kaba ia dei bad ka rule thung kam hapoh jong ka Meghalaya Civil Defence bad Home Guard, haba ia dei bad kane ka kabinet mynta ka sngi kala weng noh ia ka jingkhang thung kam hapoh jong kane ka tnad sorkar bad mynta la shah ia kane ka tnad sorkar ban pynbna paidbah ia ki kam kiba lait haduh 300 tam ei ei kiba don hapoh kaneka tnad sorkar.

Ia ki kyndon thung kam hapoh jong katei ka tnad sorkar ruh la pdiang da ka kabinet bad ka jingkwah jong ka sorkar ka long ba ka jingthung kam kan long kaba beit bad ka ba shai da kane ka jingpdiang ia ki kyndon thung kam hapoh kane ka tnad kane ka tnad sorkar kala lah ban pynbna paidbah ia ki kam kiba lait. Ka Kabinet kala pdiang ruh ia ka jingpynkylla ha ki kyndon thung kam hapoh jong ka tnad shna iing jong ka sorkar jylla.

Ban kham pynmih pisa na ka bynta ka jylla, ka sorkar kala wad ia ki lad ki lynti bad kawei na kita ka long bad katkum ka jingpynbna jong ka tnad kam poh iing jong ka sorkar pdeng ki sorkar jylla ki lah ban pyniaid ia ka jingiakhalai nusip, halor kane ka kabinet mynta ka sngi kala shim ia ka rai ban pynimbiang ia ka khalai nusip ha ka jylla.

U Dr Mukul u la ong ba ia kane ka kam la aiti sha ka tnad lum khajna jong ka sorkar ban leh ia kaba don kam, hynrei ia ka jingkhot tender dei ban long da ka “ National Biding” bad u ba ioh ia ka yn hap ban pyniaid iew ia kane ka khalai nusip ha ka Ri baroh kawei. Kane ka jingpynkhlai nusip kan long shisien shitaiew.

Katkum ka dor kaba la buh da ka sorkar pdeng kiba pom kaba rit eh kam dei ban duna ia ka T.10000/- bad ia kane la aiti sha ka tnad lum khajana ba kan peit ia kaba don kam ban leh. Ka sorkar kan ai ia ka kontrak sha u nongthep bah eh duh khnang ba ka sorkar kan kham ioh nong.

What Next?

Recent Articles

Leave a Reply

Submit Comment
*