Shillong, Iaiong 14: U bah Charlie Rani President jong ka UHM u la buh ia ka jingdawa na ka sorkar Meghalaya ba ka dei ban wanrah noh ia ki lai ngut ki briew kiba la shah kem na ki pulit na shnong Sabuda ba dei ban wan rah noh sha Meghalaya hapoh 24 kynta.
U President ha ka UHM la ong mynta ka sngi kila leit sha shnong Sabuda hynrei ki pulit na Meghalaya kim shym la shah bad kila bat noh ia ki ha ka shnong Mawlasnai, kane ka jingleit ka long ban ia kynduh ia kiba ha iing ha sem kiba la shah kem ha ki pulit Assam.
Ki pulit jong ka jylla Meghalaya haba kila poi sha Mawlasnai kila bat bad ba kim shah ban leit sha Sabuda bad ka jingpyrshang ban bat kala dei naduh PHC Bhoirymbong bad la ong ba ym long ban leit sha shnong Sabuda. U Bah Charlie la ong ba ka jingleit jong ki ka long tangban ai mynsiem ia ki briew kiba don ha katei ka thain hynrei da poi sha Mawlasnai kim shym la ailad.
President ka UHM la ong ba ki dawa ba ka sorkar ka dei ban pyntrei kam ia ka jingregister ei ia ki jaka kiba don ha kahppud, ka seng ka pyrshah jur ia kane ka jingiasoi soskular ban pynbeit pud, lada kata ka jingiasoi ka long kaba ia sngewthuh kan nym jia kumne ki jingjia dei halor kane ka seng kan pdiang shuh ia ka Soskular.
La ioh jingtip ba ki pulit ka Assam kim shah tang ban leit thied dawai, ha ka jingshisha kila dei ban ia kren bad ki pulit Assam ba nym pynjynjar ia ki paidbah kiba don ha khappud, ka long kaba sngewsih ban ioh ba ki nang bat ia ki seng lada ki wan sha Sabuda.
Ka seng ka dawa ba ka sorkar ka de ban pynkhlain shuh shuh ia ki pulit ban pahara ha khappud, ym dei ban buh ha ki surok bah tang ban ap trok, ka sorkar ka dei ban thaw noh iala ka jong ka Meghalaya Regiment ban iada ia ki paidbah, ka seng ka dawa ba ka sorkar ka dei ban wanrah noh ia kiba shah kem sha ka jylla hapoh 24 kynta.
