Shillong, Naitung 16: Ka seng AYWO ha ka kyrwoh kaba la phah mynta ka sngi kala ong ba ki nongkit kam jong ka seng kila shah byrgnem kylla da ka FIR ha ki briew jong ka Horticulture kiba don ha South Garo Hills halor ka jingpan jong ki ia ka RTI ha kaba ia dei bad ki skhim kiba la pyntrei kam ha katei ka District.
Ka AYWO kala pan RTI ha ka 6th Lber 2018 hynrei haduh mynta kim pat ioh ia ka jingpan ka jong ki bad haba ki nongialam jong ka seng kila leit ban wad jingtip, la shem ba ki ophisar kiba dei ia kane ka kam kila shah pynkynriah kam bad haba kila ia kren la shah byrgnem pynban da ka FIR.
Na ka liang jong ka AYWO Central body kala ong ba ka seng kan ieng hala ka jong ka nongrim bad kin dawa ba dei ban pynshai paidbah kaba ia dei bad ki skhim jong ka sorkar kiba la pyntrei na ka bynta ki paidbah. Na ka liang jong ka seng kala buh ba ia ka jubab dei ban ioh hapoh 10 sngi kata ka long 28 tarik Naitung mynta u bnai lem kumta kin pynlong da ka jingiakhih.
