Shillong, Nailur 19: U President ka West Jaintia Hills District ka Khasi Students Union jong ka Jaitnia Hills District u samla Laiphar Syngkrem u la pynpaw ia ka jignsngewsih halor ka jignshah byrgnem byrsit kiba sha ha ki thain Block I ha kiwei pat ki jaidbynriew, kum ka seng la pynrem jur ia kane ka jingshah byrgnem ki paradoh parasnam.
Haba kren ha ki lait pathai khubor mynta ka sngi ka ophis ka seng KSSU Jaiaw u President ka KSU West Jaintia Hills u samla Laiphar Syngkrem la ong kum ka jaidbynriew ki juh lum ki juh lang la ki don ha kano kano ka jaka, la ka long ha ka khia ka shon lane ha kano kano ka jingeh kaba ki don, hynrei kine ki jaidbynriew Karbi ki juh shim kabu ban pyntriem haba ki khot sha ka jingalang bad pyndik ia ki paradoh parasnam kiba sah sha ki thain Block I.
Ka kyrwoh kaba shai na ka liang ka seng ka phah sha ka jaidbynriew karbi ba nangne sha khmat ba kim dei shuh ban pyndik, ka byrngem, kein noh ka pyntriem ia ki paradoh parasnam kiba sah sha ki thain Block I namar la da ki iai sdang shi iai sdang kumne na ka liang ka KSU kim lah ban shu sngap bad kim la ban shu peit.
Kum ka seng kam ban se ban leh iala ka kamram ban sim iala ki jong kiparadoh parasnam wat la ha kano kano ka bynta lada ki nongban pyndik, byrngem, byrsit ki ruh ki nongban leh kum kaba leh lem ma ki ban pyntieng pynsmniej ia ki doh ki snam ki jong ki ruh ki don ha kane ka jaka Khasi bad Jaintia.
U samla Leningrad Tariang nongialam ka KSU u la kren shai ba kim salai ban iada la ki jong ki paradohpara snem la ka long ha kano kano kabynta lada ki jaidbynriew karbi ki ialeh ban pyndik ia ki Paradoh parasnem kiba sah ha Block I. La ong haba ki lum ki lang ym ba kithmu ban pyniapher jaidbynriew hynrei ki lum ki long ban tip ia ka jingeh kaba ki ia kynduh ha kano kano ka jaka kaba ki don.
Ka jingshah pyndik ka long lada ki ot phlang traw ban shna iing ruh ki hap ban siew khajna, lada ki pom dieng ban shna iing ruh ki hap ban siew sha ki pulit Assam, lada ki kitmaw, shyiap, bad rep ruh ki pulit Assam ki shim khajna wat haba ki leit iew ruh ki hap ban siew bai iaid lai lane saw spah tyngka.
Lada ki pulit ssam ki tip ba lada ki don kiba wan sha ki jingialang khamtam ha kaba ia dei bad ka jingiapynbeit pud bun sien ki shah pyndip, ka KSU West Jaintia Hills ka kyntu ia ka sorkar Meghalaya ka dei ban peit bha kam dei ban peit tang ki shnong ba ki tip kyrteng namar ki don bun ki shnong pnar, ha Block I ki don haduh 36 tylli ki shnong.
Namar ba ki Karbi ki dawa ia la ka jong ka jylla ki pynthud ia ki paidbah bad ki kwah ban kyntur hduh ka shnong pnar, kiba juh pyndil dei ki shnong Karbi kiba ia khap bad ki shnogn Pnar kito ki dei ki nongpyndik lada kim pyndik ki iathuh sha ki pulit ba ki leit jingialang bad halor kane ki shah pyndik.
Ki pulit ka jylla Meghalaya ki juh don shaneng bad kim juh nud ban hiar sha ki jaka ba shah pyndik ha ka Assam, ka seng KSU ka dawa ba ka sorkar ka dei ban phah pulit ban pahara bad ka kyrwoh sha ki Pulit Assam ba kim dei ban pyndik shuh namar kum ka seng kam kwah ban poi sha ka jingjia kiba sngewsih.
Ka Block I ka hap ha ki lai tylli ki Elaka, kita ki long ki Elaka Shiliag myntang, Doloi Raliang bad Doloi Labang Nongphylut ba ka JHADC kala jied ia u Doloi hynrei haduh mynta ym pat lah ban ai Sanad haduh mynta, ka KSU ka kyrpad ba kan ai Sanad noh ia u Doloi ba shipor, kine ki sah ha ka Umdum hynrei ki kwah ban hap sha Meghalaya. Ki ktem pulit ki don ha Saitsama bad Tungtung kin ear tylli.
