Shillong, Kyllalyngkot 18: U myntri rangbah ka jylla u Dr Mukul Sangma u la ong ba ka cabinet mynta ka sngi kala jied ia ki lai ngut ki briew ki ban ioh ia ka khusnam ha ka sngi rakhe ia ka jingioh jylla ba pura ia kaba la tip kum ka “ Meghalaya Day Award”.
Ki lai tylli ki khusnam ki long, ia ka khusnam Patogan Sangma Award, la jied ia u Leanderk K Marak ha kaba ia dei bad ki kam trei mon sngewbha, ia ka khusnam Kiangnangbah la jied ia ka kong Dalyne Kharbhih ha kaba ia dei bad ki kam ialehkai bad ia ka khusnam Tirot Sing la jied ia u Bah Sumarsing Sawain ha kaba ia dei bad ki kam toh kam tar.
Ha kane ka jingialang jong ka cabinet mynta ka sngi la shim ruh ia ka rai ban ai jaka ia ka Shillong College ha Laitumkhrah kaba don ha jan jong kane ka college bad ka jingheh jong kane ka jaka ka long, 587.78 Sq Metter, ia kane ka jaka la ai na ka bynta ban pyndon kam na ka bynta ban tei ia ki jaka ai jinghikai.
