Shah jied ka samla Ibarisha kum ka nongbishar ha ka 4th APC Games 2017 ha Colombo

Ibanisha nongrwaiShillong, Risaw 09: Ka samla Ibarisha Lyngdoh, 24 snem ka khun jong ka kong Hunnily Lyngdoh bad jong u Bah Pilgrim Marbaniang, kala shah jied ba kan long kawei na ki nongbishar ha ka kynhun Interkultur kaba na ka Ri  Germany; ha ka jingiakop rwai jong ka  4th Asia Pacific Choir Games bad Grand Prix jong ki Ri ka pyrthei kaban long ha Colombo jong ka Ri  Sri Lanka ka ban sdang naduh ka 21 haduh ka 28 tarik mynta u bnai.

Ka Interkultur kala shim ia ka Shillong Chamber Choir kawei na kiba paw ha ka Ri India bad dei ka SCC kaba la shah jied na Ri India ban leit mih khmat ia ka Ri sha kane ka jingiakop rwai, ka samla Ibarisha kan don lang bad ki nongbishar kiba na ka UK, Norway, USA, South Africa, New Zealand, Singapore, China, Indonesia, Myanmar bad na Philippines.

Kane ka long ka burom kaba khraw ha ka jinglong nongput nongtem bad kum ka nongrwai bad ka long kaba burom ban shah jied ban long kawei na ki nongbishar ha kum kane ka jingiakop jong ka pyrthei bad kane kan long ruh ka jinghikai bad kane ka iarap shibun la ong ka samla Ibarisha Lyngdoh.

Kumban shu kdew ba kin don phara tylli ki kynhun nongrwai Choir ki ban leit ban ia shim bynta ha kane ka jingiakop na ka Ri India, na Meghalaya kaba la shah jied ka dei ka KC Lights (Meghalaya), the Nagaland Chamber Choir (Nagaland), the Ao Naga Choir (Nagaland), the Mizo Cardinal Choir (Mizoram), the Salvation Singers (Mumbai), Beat Choir (Chennai), the Madras Musical Association Choir (Chennai) and the Sargam Choir (Chennai).

Ia kane ka 4th Asia Pacific Choir Games 2017 la pynlong da ka Ri Sri Lanka ban wat jingtip ia ka jinglong tynrai jong ki briew ha ka riti ka dustur ka jong ki, Ki nongiashim bynta ki hap ban don ha ki jingialang bad ki jingiaphylliew jong mut ha kitei ki sngi.

What Next?

Recent Articles

Leave a Reply

Submit Comment
*