Shillong, Risaw 30: Lai ngut ki thei samla na ka jylla Meghalaya kila shah jied ban shah hikai kyrpang na ka bynta ban pynkhreh ia ka “Women’s World Cup 2020 jong ka U-17. Kine kiba la shah jied ki long ka samla Sanfida Nongrum, Sunalinda Iawren bad ka Wandashisha Marwein.
Kine ki lai ngut ki thei samla kila shah khot ha ka All India Football Federation na ka bynta ka jinghikai ba kyrpang ka ban long ha Kalyani, West Bengal, ha u bnai ban wan. Dang shen ka ka samla Nongrum bad ka Iawren kila mih khmat ia ka jylla Meghalaya ha ka Sub-Junior Girls National Football Championship bad ka samla Marwein kala mih khmat ia ka jylla Meghalaya sha ka Subroto Cup national-level tournament.
Ka jingialehkai World Cup jong ki kynthei kan long ha India ha u snem 2020, baroh ki thei ialehkai kiba la shah jied na kylleng ka Ri India ki don 51 ngut.
