Shillong, Jymmang 30: Ka District Administration jong ka East Khasi Hills District ryngkat bad ka District Child Protection Unit, kila jied saw ngut ki khynnah na kane ka District ba kin long ki nongioh ia ka jingiarap lyngba ka ‘PM Cares’ na ka bynta ki khynnah kaba la plie haka 29/52022 ban kyrshan ia ki khynnah.
Kine ki khynnah kiba la shah jied dei kiba la duh ia la ki jong ki kmie ki kpa bad ia ki nongsumar jong ki na ka daw jong ka khlam kaba la ja naduh u ban Lber, 2020 haduh 28th Rymphang 2022. Ka jingthmu jong kane ka skhim ka long ban iarap ia ki khynnah kiba la duh ia ki kmie ki kpa.
Kane ka long ka jingiarap na ka bynta ka koit ka khiah bad ba kin ioh ia la ka lat jingpule bad ba kin lah ban kyrshan da lade ia lade bad kane ka jingiarap kan long T.10 lak haduh ba kin da dap 23 snem ka rta. Hapoh jong ka skhim ‘Ayushman Health Cards’ kine ki khynnah kin ioh ia ka jingsumar ei haduh T. 5 lak kan long na ka bynta jong ki.
Ha kane ka sngi la don lang ki ophisar na ka ‘District Child Protection Unit’ kila ia don lang ha kane ka sngi, ka Deputy Commissioner kong Isawanda Laloo ryngkat bad ka magistrate ka I. M. Syiem, Chairperson State Commission for Protection of Child Rights, kong N Bareh, Member Juvenile Justice Board, D. Thangkhiew.
Dkhot jong ka Child Welfare Committee, kong D. Phawa, Additional Deputy Commissioner, kong M.L. Warjri, District Child Protection Officer, ki nongsumar jong ki khynnah kila ia don lang ha kane ka sngi.
Ka kong I. Laloo, Deputy Commissioner, kala ai ia ki kot ki sla sha ki saw ngut ki khynnah kiba la phah na ka ophis jong u myntri rangbah duh jong ka Ri India, Sneh Petra Certificates na PM CARES, PM CARE bad ai ia ki Passbook ki khynnah , Health Card jong ka AB-Pradhan Mantri-Jan Arogya Yojana (PM-Jay).
