Shillong, Lber 26: U Dipul R marak mynta ka sngi u la shah jied kum u CEM ba thymmai jong ka GHADC ha ka election kaba la long mynta ka sngi khlem da don ba ia leh pyrshah. Da kane ka jingjop ka partry NPP kala ioh ban bat biang ia ka bor synshar ha GHADC.
Na ka liang jong u nongialam jong ka NPP u Denang T Sangma, u la iathuh ba u Dipul u la shah jied mynta ka sngi kum u CEM jong ka GHADC khlem da don ba ialeh pyrshah. U la iathu kumba ka long mynta baroh ki MDC kiba don bad ka NPP ki long 19 ngut ha ka iing dorbar kaba 29 ngut.
U CEM barim jong ka GHADC u Boston R marak u la hiar shuki noh na ka kam CEM ha ka sngi thohdieng kaba la dep ha dien ba ka NPP kala wan ha ka bor synshar ha ka sorkar. Na ka liang jong u CEM barim u la ong ba “ Nga hiar shuki noh namar nga tip haba la kylla sorkar kan kylla ruh ha ki District Council.
Na ka liang jong u Boston u la ong ba ka jingeh ia ka GHADC mynta ka long ha kaba ia dei bad ka tulop jong ki nongtrei bad ka jingmih noh jong ki MDC na u ka long ban leit sha ka NPP namar ba ka NPP ka don ha ka sorkar da ka jingkyrmen ba kala lah ban iarap namar ki District Council baroh ki shaniah ha ka jingiarap jong ka sorkar.
La ong ba shibnai mynshuwa na ka liang ka EC ka jong u la dep ban ai ia ka jingmyntjur ban pyntrei kam noh ia ka tulop kaba thymmai namar ka sorkar ruh kala pyntrei kam ia ka tulop ba thymmai bad ki District Council ki juh leh ia kane, la iathuh ba da kane ka jingkyntiew tulop thymmai ka jingsiew ia ka tulop ha ka shibnai ha GHADC kala kot sha ka hynniew klur tyngka.
