Shillong, Naiwieng 12: ka long ka burom ia ka jylla Meghalaya ba ha kane ka kynti kaba mynta u samla Emboklang Nongkhlaw u la shah jied ban don hapoh jong ka Indian national U-16 boys’ football team.
U Samla Nongkhlaw u la shah jied lyngba jong ka Tata Trusts’ kaba dei ka jaka ialehkai jong ka kaba don ha Aizwal bad ha katei ka jingialeh kila shem ia ka jingbit ialehkai ka jong u da u nonghikai jong ka U-16 u Bibiano Fernandes ha ka jingleit jong u sha ka jylla Mizoram ha ka taiew kaba la dep.
Kumban kdew hangne ba u samla nongkhlaw u dei u rangialehkai ba paw jong ka jylla Mizoram bad u la ba thep bun tam ki koli ha ki jingialehkai na ka Mizoram U-15 League bad haduh mynta u la thep kol haduh 14 tylli. U ne u nongialehkai un sa leit sha Goa na ka bynta ka jingshah hikai ban pyntbit shuh shuh.
Shuwa ba u samla Nongkhlaw yn shah jied kum u nongialehkai ha ka tei ka jaka ban pyntbit kyrpang jong ka Tata Trusts’ kaba don ha Mizoram u ne u samla u la ialekai bad ka kynhun Royal Wahingdoh bad na ka Shillong Lajong ha Meghalaya. U la ia don bynta ruh ha ka jingialehkai Sub-Junior National Championship ha u snem 2017 bad ha u snem 2019 u la ialehkai na ka H Elias Higher Secondary School ha ka Subroto Cup.
