Shillong, Jylliew 22: ka ophis jong u Syiem ka Hima Mylliem shuwa ban plie ia ka Iewduh kala dep ban pyntip sha baroh ki nongshong dukan ba kim bit ban sei tam ia ki tiar na ki dukan sha bar ba ka wan rah ia ka jingkhap ngiah.
Naduh dang step, ki pulit jong ka Hima Mylliem kila leit ban ong ba ia baroh ki dukan ba kim bit ban pyntam ia ki tiar die jong ki sha bar jong ka dukan lada ki ialeh pyrshah ka ophis jong u Syiem kan khang noh ia kum kita ki dukan.
Ha kane ka sngi ba plie ia ki dukan kiba la shah tang ia u ba don ia u dak “A” ki pulit jong ka Hima Mylliem kila khang noh ia ki ar tylli ki dukan Pusari kiba don mar jan namar ba kim shym la kohnguh ia ka jingbthah jong ka hima.
U Syiem jong ka Hima Mylliem u Pa,im Ainam Syiem u la ong ba kane ka jingkhang ia kine ki ar tylli ki dukan kan long ka nuksa ia kiwei ki dukan ki dei ban but ryntih ia ki jingbtah kiba la ai ka sorkar bad ka Hima.
Ka jingkhang ia kine ki ar tylli ki dukan mynta ka sngi kan long shipor haduh ban da pynbeit da kumwei pat yn sa shah ban plie biang ia ki lada dang lap ba ki don ki dukan ki bym but ryntih kin khang na ka liang jong ka Hima.
