Shillong, Lber 04: Ki briew kiba ym lah ban tip kila pynpra ia ka iing jongu Bah Kortis Rani kaba u dang shna ia kaba yn pat pyndep ha ka shnong Mawkneng kaba hap hapoh jong ka Sohiong Police Out post, na ka liang jong u tei u rangbah u la leit ban ujor sha ki pulit mynta ka sngi.
Ka iing kaba la shah pynpra kaba dei ka jong u Bah Rani ha ki riew sniew kiba ym shym la jer kyrteng ka dei ka iing deibilat kaba dang shu kynroh tang da ki Maw block ia kaba ym pat pyndep. Kine ki runar kila bom la tid ia ki kynroh jong ka iing haduh ban da pra phom.
U Bah Rani ha kane ka jingujor ka jong u sha ki pulit ym shym la jer kyrteng iano iano ruh hynrei u la kdew ba ki dei ki riew sniew ha kaba kila leit sha kane ka iing jong u kaba u dang shna thymmai ban pynpra ia ki kynroh jong ka iing.
