Jowai,Kyllalyngkot 16 : Ki paidbah ka Shnong Iooksi Iapkhla kiba shong ba sah sha shilliang ka Wah Mynsar kila mad iaka jingjynjar kaba khraw haka leit ka wan bad ka kit ka bah namar ba kim ioh iaka jingkieng kaba shkem ban iaid bad jam sha shilliang ka Wah Mynsar.
Katkum ka jingong ki nongshong Shnong kiba sah ha kane ka dong kaba tip kum ka Shiliang Mynsar, Iooksi kila ong ba kum ki nongshong shnong kila hap ban mad iaka jing jynjar kaba khraw namar ba ki hap ban iaid naka jingkieng ba shu shna tang daki dieng bad kaba ym tikna kaba lah ruh ban shah rong noh ha kano kano ka por haba don u slap bah haki por lyiur.
” Hooid haki por Tlang ngi kham suk khyndiat namar ngi don kane ka jingkieng dieng ba ngi shu shna hi tang ban suk ka iaid ka ieng hynrei haki por lyiur pat kane ka jingkieng ka shah rong noh haka um.” la ong uwei u Rangbah ba shong shnong ha kane ka Dong Shilliang Mynsar.
Kaba sngewphylla ka long ba katkum ka jingkam ki nongshong shnong la ong ba u Local MLA marsien jop u la wan haduh arsien kynthih ban wan peit bad sakhi hi dalade iakane ka jingkieng bad u la dep thew ladep woh ruh iakane ka Wah naka bynta ban shna Jingkieng hangne bad ula kular ruh ban shna noh shen hi hynrei phewse haduh mynta ympat i don dak eiei ruh.
“Ngi iai ap khmih lynti baroh shi katta ban ioh iaka jingkieng kaba bha bad kaba shkem hakane ka Wah namar u MLA badon burom ula dep kular iangi ban pynioh jingkieng ha kane ka Wah” la ong iwei i Longkmie ba bah arted bad i khun bad iaid lynti nakane ka Wah.”Sngewtynnad iaki jingkular u MLA ha ryngkat ki ktien jali jaum kiba bang ba thiang hynrei kine ki jingkular baroh kim poi shano shano ruh’ la ong ki paidbah naka ne ka Dong.
Ymtang katta hynrei la da ngi phai sha u Surok uba pyniasoh iaka Shnong Iooksi bad ka Shnong Umsalait Sahsniang ter ter lyngba ka Wah Mynsar ngi ioh i iaka jing jynjar kaba isangsot kaba ki paidbah nongshong jong kine ki shnong baroh arliang ki ia mad.
Ka shnong Iooksi bad ka Shnong Umsalait kidei ki shnong badon mar shilliang ka Wah Mynsar hynrei lada peit pat ia u surok ban poi sha kine ki shnong la isangsot shisha shaba palat .
Haka por lyiur lei kine ki artylli ki shnong lada ki mut donkam ban leit mar sha shilliang kim juh ioh ban leit daka Kali hynrei ki hap ban iaid daka kjat namar ka jingsniew shaba palat u surok sa kawei ruh ba ymdon jingkieng iaid kali ha kane ka Wah ban pyniasoh ia kine ki artylli ki shnong. Ki paid nongshong shnong ka Shnong Umsalait kiba leit iew leit hat bad leit siew leit tda ha ka iew Pyngkat ha shnong Iooksi ki hap ban kit da u Khoh ban kit iaki marbam haki por lyiur.
Naka liang ki paidbah jing kine ki artylli ki shnong kila pynrem jur iaki jingleh matlah bad jingleh bynsuidniew jong u local MLA iaki paidbah nongshong shnong kine ki artylli ki shnong.Halor kane ka bynta bun ki paidbah kila dom iaka jingieh khunswet u Local MLA iaki paidbah nongshong shnong kine ki Thain.
