Shen un buh sngi ban ia kynduh u MR ka Meghalaya-Assam ban ia kren kampud:Prestone

Shillong, Nailur 09: U Deputy Chief Minister, u Bah Prestone Tynsong mynta ka sngi haba jubab ia ka jingkylli jong u Bah George B Lyngdoh halor ki jingjia ha khappud Meghalaya bad ka Assam, la iathuh ba ha baroh ki jingjia ki long 55 tylli naduh u snem 2018 haduh 2019 mynta.

Ha West Jiantia Hills ki jingjia ki long 20 tylli naduh u snem 2017 haduh 2019, ha Ri Bhoi ki long 21 tylli bad ha West Khasi Hills ki long 14 tylli. Haba don kum kine ki jingjia ha khappud ki Deputy Commissioner bad ki Superintendent  na baroh arliang ki juh ia kren ban ia pynbeit ia ki jingeh.

La iathuh ba ha ka 21.06.2019 kala don ka jingiakren ha pdeng ki Chief Secretary jong kine ki ar tylli ki jylla bad ha kane ka jingiakren kila shim ia ka rai ba lada don kano kano ka jingjia kin ia kren shuwa hapdeng ki Officer Incharge na ka liang jong ki pulit, lada kim lah ban pynbeit kan poi sha ki bor jong ki District, lada kam beit kin poi sha ka kyrdan jong ki Chief Secretary bad sha ka kyrdan jong ki Myntri rangbah.

Na ka liang jong u Deputy Chief Minister u la ong ba ka sorkar ka sngewkhia bha ha kaba ia dei bad ka jingeh ha khappud bad na ka liang jong ka sorkar Meghalaya kala dep ban thoh sha u myntri rangbah ka jylla Assam ban buh ia ka sngi ba kan don ka jingiakren ha pdeng ki Myntri rangbah jong kine ki ar tylli ki jylla.

Kiwei ki MLA kiba la ia shim bynta ha kane ka jingiakren ki long u Bah Nujorki Syngoh, Bah Mayralborn   Syiem, u Zenith Sangma, u Bah Adelbert Nongrum.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet