Shillong, Risaw 20: U ADG jong ka NCC u Major General Ananta Bhuyan mynta ka sngi u la leit ban ia kynduh ia u Lat jong ka jylla u Satya Pal Malik ha Raj Bhavan Shillong. Ha kane ka jingiakynduh na ka liang jong u ADG jong ka NCC u la pynsngew ha u Lat ka jylla ba ki dkhot jong ka NCC kila iarap ha kane ka jingialeh pyrshah ia ka khlam COVID-19.
Ki dkhot jong ka NCC kila mih sha khmat ban iarap ia ka sorkar ha kaba pynsngewthuh paidbah ha kaba ia dei bad kane ka jingpang ban sam ia ki mask sha ki riew paidbah bad bun kiwei kiwei ki kam kiba ki dkhot ka NCC kila leh ban iarap ia ka sorkar.
Ha kane ka jingiakynduh u Major General u Ananta Bhuyan u la pynsngew sha u La jong ka jylla ba shen yn sa buh ha ki ksul nongkyndong ha khappud ka jylla Meghalaya ia ki jaka ai jinghikai jong ki NCC da kane kan long ka jingplie lad ia ki skul nongkyndong ba kin ioh bynta lang ban ia don ha ka NCC.
Na ka liang jong u Lat ka jylla u la pynpaw ia ka jingsngewnguh ia ki dkhot jong ka NCC kiba la trei na ka bynta ban iarap ia ki briew jong ka jylla ha kiba bun ki liang bad u la pynkynmaw ba u la ong teng u dkhot ka NCC ha ka kyrdan Senior Division Cadet.
