Shibnai shiteng ai u Conrad ka tulop ban pynbha ia ka Govt LP School ha Shohphria

Shillong, Risaw 09: ka burom ka leit sha u myntri rangbah Mr Conrad K Sangmaka jylla Meghalaya u Conrad K Sangma ha kaba  u la ai ia ka tulop jong u kaba shibnai shiteng na ka bynta ban pynbha ia ka Government LP School kaba don ha ka shnong Shohphria ha West Khasi District.

Kum kane ka jingleh ka dei ka sien kaba nyngkong eh hapoh ka jylla Meghalaya ha kaba u myntri rangbah u la ai na ka tulop la jong ban pynbha ia ka iing skul kaba dei ka skul sorkar. Ka pisa kaba la ai na ka tulop ba shibnai shiteng kala pot T.3.14 lak tyngka.

Ia kane ka skul la seng da ka Balang Presbyterian ha u snem 1956, hynrei haba la ioh la ka jong ka jylla ka sorkar kala shim noh ia kane ka skul ban pynkylla skul sorkar. Hynrei ia kane ka skul la shuieh bein ha baroh kine ki snem ha kaba ka tnum kala peit bad ki kyroh kila peit thliew.

U myntri rangbah ha u Nailar u la poi sha kane ka jaka bad u la peit ia ka jingjot jong ka iing skul, ha katei ka sngi u la pynbna ba un ai na ka tulop jong u ban shna pynbha ia kane ka iing skul. Mynta ka sngi u myntri rangbah u la pynpaw ia ka jinghun ka mynsiem jong u ba la lah ban pynbha ia kane ka skul da ka jingnoh syniang ka jong u. U la ong ba un dang iai beteng ia kane ka jingnoh syniang ka jong ia kiwei ki ruh ki skul ha ka jylla.

Kane ka jingleh ka jong u ka long ba ka thong kaba ha khmat eh jong ka sorkar ka long ka jingnang jingstad bad ban pynioh ia ka jingnang jingstad ia ki khynnah ka long kaba don kam haduh katta katta, u la ong la leh ia kane ban pynshlur ruh ia kiwei ki nongmih khmat ba kin bud ia kane ka nuksa ka jong u, la ki dei ki heh sorkar lane ki briew kiba don ba em na ka bynta ka bit ka biang jong ki khynnah skul.

Na ka daw jong ka jingduna ka jingmih kala buh ia ka sorkar ha ka jingeh ia ka sorkar ban pynbha ia ki jaka pule , hynrei lada shim bad tynrong lem ia kane ka jingeh ka long kum ka jingiarap ia ki khynnah skul bad kane kan wan rah ia ka jingkylla ha ki khynnah kiba pule hapoh ka skul. U la kyntu ruh ia u MLA u ba ia don lang ba un leh ia kane ka kam ha South Tura ka konstitwensi ba u mih khmat.

Ha kane ka sngi u myntri rangbah ka jylla u la ia kren ruh bad ki khynnah skul jong kane ka skul ha kaba kila pynpaw ia ka jingkmen ka jong ki ban iohi ba ka iing skul na kaba jot rathai kala kylla sha ka iing paki dulan. Ka jingpynbha ka long san tylli ki kamra klas, ka kamra shong kinonghikai, ki miet ki shuki ba shong ki khynnah skul bad ki blak board.

 

What Next?

Recent Articles

Leave a Reply

Submit Comment
*