Shillong, Naitung 20: Mynta ka sngi ka seng MSSASA kila pynpaw ia ka jingsngewbitar halor ka jingkren jong u myntri ka tnad pue puthi jong ka sorkar Meghalaya pyrshah ia ki nonghikai SSA bad na ka jingkren u myntri kala paw shai ba u bah Lahkmen Rymbui myntri ka tnad pule u la ai ka jingmaham ia ki nonghikai SSA ba lada kim sangeh noh ia kane ka jingiakhih jong ki bad leit phai sha iing ka sorkar kan khate lane ot ia ka tulop ki nonghikai SSA kane ka dei ka jubab ka sorkar ia kane ka jingiakhih.
U bah Aristotle Rymbai Presdient MSSASA haba kren sha ki nonghikai mynta ka miet ha katei ka jaka ba ki pynlong ia ka jingiakhih halor ka jingkren u Myntri ka tnad pule u la ong ba ia kito ki Managing Committee kiba khang ia ki skul ban shah ia ki nonghikai ban wan ia shim bynta ha kane ka jingiakhih ka sorkar kan wengnoh ia ka jingai kran na ka SSA na kato ka skul.
Kaei kaba na ka liang jong ki seng MSSASA ka kwah ban phah ia ka khubor sha ka sorkar MDA bad kumjuh ruh sha u myntri ka tnad pule puthi ka long ba ka jingwan jong ki ha katei ka jaka ban ia khih ka long katkum ka jingpynkup bor jong ka riti synshar jong ka Ri India da kaba ieh ia khun ha iing namar san bnai ki khlem ioh tulop.
Ki nonghikai ki wan ban ia khih ban pan ia ka hok ka jong ki hynrei naka liang ka sorkar ka wan ban byrngem ban byrsit pynbna ia ki, u president ka MSSASA u la ong ba u myntri ka sorkar Meghalaya u Lahkem Rymbui u dei ban peit ia ka Artikle 19 (I) C ka kren kumno bad ia ka artikle 21 jong ka Ri India ka kren kumno.
U bah Rymbai u la ong ba ka jingpoi jong ki ha katei ka jaka ka long ba ki don ia ka hok ban pynpaw pyrshah ia ka sorkar haba kam ai ia kaei kaba kim ioh bad kane ka jingpyrshah ka long ba ka sorkar ka pynduh ia ka hok jong ki kaba dei ka hok long briew man briew ym dei ba ki shu wan ha katei ka jaka ban ia leh kulmar.
La ong ba ka jingpoi jong ki ha katei ka jaka ka long ba ki khlem wan ban ia khawai hynrei ki poi ha katei ka jaka ban pynsngew sha ka sorkar ia ka jingeh ka jong ki kaba ki ia kynduh, ka khubor ka long kaba shai ba wat pynbor ba ki nonghikai SAA baroh kin resign na ka kam hikai, lada baroh ki nonghikai SSA kiba 12541 ngut lada ki resign baroh ka tnad pule puthi kan khyllem syndon ha jylla Meghalaya.
Ka MSSASA ka dawa na u myntri ka tnad pule ba u dei ban pan map na ka ei kaba u la kren lada ym pan map la shai ka sngi kin ia kynduh biang bad ki lah ban shim ia ka rai ban kin resign noh baroh ki nonghikai SSA, na ka liang jong ki nonghikai kila ia shah bad kila ia treilang bad ka sorkar, ka jingwan jong ki kam dei ba kin ialeh pyrshah ia ka sorkar hynrei ki wan ban dawa ia ka hok jong ki.
Hato kata ka jingioh ia ka hok kam dei shuh ia ki nonghikai hato ka dei sa tang ia kita ki ‘lei san snem la kylli u bah Aristotle, ka jingkylli kaba labuh sha u myntri ba dei peit ia ka tnad pule la u nud ne em ban kylli ia u mytnri rangbah ka jylla sha ei u bah ka pisa T.44 klur tyngka.
Ha kane ka sngi u bah Aristotle u la kylli hato kane ka jingwan ia khih jong ki ka dei ka jingleh jong ka sorkar ba kala thad burom ia lade, ka jingkylli kamih ruh balei ka sorkar kan shym la khot thungkam ha ki post nonghikai SSA balei kane ka jia ha kane ka sorkar MDA. La ong ba ki don ki skul SSA ba bun ki khynnah hynrei don nonghikai tang u wei. Balei ka sorkar ka phah sha ka sorkar pdeng ba ha Meghalaya ym don kam balait, ia ka pisa kip hah sha ei kylli ka seng MSSASA.
