Shillong, Naiwieng 15: u president ka Meghalaya Pradesh Committee (MPCC) u bah Vincent H pala u la ong ba u skhim ia ka jingkit khlieh halor ka jingshah rem ka party ha kane ilekshon MLA shiteng samoi. Kum u president u ai ka jingkubur ia kaei kaba la dep ban kren da u bah Pynshngian N Syiem bad ka kong Ampareen Lyngdoh.
Haba kren ha ki lat pathai khubor mynta ka sngi ha Congress Bhavan u bah Pala u la ong ba kum ka kynhun kila ia trei shitom, ha kaba ka kong Ampareen Lyngdoh bad u bah Pynshngiang ki peit ia ka Mawryngkeng Konstitwensi bad u bah Kimfa S marbaniang bad u bah Charles Marngar ki peit ia ka Mawphlang Konstitwensi. Katba ha Rajabala Konstitwensi la peit da u Marthon Sangma bad u Zenith Sangma.
U bah Pala la ong ba wat la kila kiew ha ka jingioh ia ka vote, hynrei kila ren namar ki MDC jong ka party na Rajabala bad Mawphlang kila ia khun ia kane ka ilekshon MLA shiteng samoi bad na Mawryngkneng dei ki briew jong ka party kiba la ia khun ia ka ilekshon shiteng samoi ka jingrem ka dei na ka daw jong ki briew la jong bad ki MDC jong ka party.
Haba shim ia ka jingkhein na ka jingioh ia ka vote wat la ki rem hynrei ki briew jong ka jylla ki don bad ka seng Cognress, hynrei kaba sngewsih ka long ba u dang shimti ia ka kam president ha ka por ba la pynban ia ka ilekshon bad kine ki kyrtong ban ia khun pyrshah dei na kane ka daw ba u shim ia ka jingkitkhlieh halor ka jingrem ki kyrtong ka party.
Kumu president ka party u ai khublei ia baroh ki nongkit kam jong ka party kiba la trei shitom, kum u Dr Mukul Sangma bad kiwei ki nongkit kam jong ka party bad u bah Charles Pyngrope u ba la trei shitom, hynrei ka juh ka long ba ha ki ilekshon shiteng samoi ki juh jop ki briew kiba don ha ka sorkar namar ki briew ki kwah ban ioh ia ki jingmyntoi kane ka dei kaba juh jia.
Kumba phi ia tip ba ki don ki nongtrei jong ka party ba kip het noh na ka seng Congress, kum u bah Lamphrang Blah MDC jong ka Mawphlang u phet bad ia khin ia ka ilekshon, kane ka dei ha Garo Hills ruh kum juh ki miyh na ka party ban pyrshang ia ka nusip jong ki, kane kam dei ka jingiakynad hapoh ka party, ha Mawryngkeng ruh kum juh.
U bah Pynshngian N Syiem u ba la leit phai sha ka party Congress la ong ba ka ilkshon ka dang don sa shisnem shiteng kin dang don bun ki jingkylla, ha kane ka ilkehson shiteng samoi la kynnoh ba la pyndon kam ia ka pisa ba bun ki nongtrei kila phet na ka party hynrei ka party ka dang lah ban ioh shibun ki nongkyrshan.
