Shillong, Jymmang 03: U Working President ka Meghalaya State Olympic Association (MSOA) u bah John Kharshiing mynta ka sngi u la ong ba u shim ia ka jingkit khlieh ia ki jingduna ha ka 4th Meghalaya Games 2022.
Haba kren ha ki lat pathai khubor mynta ka sngi u bah John u la ong ba u shim ia ka jingkit khlieh ia ki jingduna baroh ia kaei kaba duna, khatam ia ka jingbym biang ha ki jaka sah hynrei la lah ban pynbeit ia kane ka jingduna.
Haba ia dei bad ki jaka leit sha bar la ong ba ha ka jingshisha ia kito ki jaka leit bar kiba la mih haki social media la khang hynrei ym tip mano bala pynpra ia ki jingkhang, na ka liang jong ka MSOA kala dep khang ban nym pyndon kam.
La iathuh ba ka jingpoi jong ki nongiahsim bynta ha kine ki 19 tylli ki jingialehkai ha kane ka 4th Meghalaya Games 2022 ki samla kiba la wan ban ia shim bynta ki don 2600 ngut bad haduh mynta ka sngi ruh ki dang bun kiba kwah ban wan ia shim bynta.
U Bah John la ong ba na ka liang jong jong ka MSOA kala shim ia ki lat kilynti baroh ban pynbiang ia ki jingdon kam jong ki nongwan ia shim bynta ha kane ka jingialehkai jong ka 4th Meghalaya Games 2022.
