Shillong, Lber 14: U Davis NR Marak mynta ka sngi u la shimti kum u SP jong ka East Khasi Hills District na u Bah M Kharkrang u ban leit noh sha ki kyrdan kiba kham sha jrong hapoh jong ka tand pulit. Ia kane ka jingaiti kam la pynlong ha ophis jong u SP jong ka East Khasi Hills District.
U Bah Kharkrang u la ong u SP jong kane ka District 6 snem 6 bnai, ha kane ka por u la shimti nyngkong kum u SP(City) ha kaba u la bat shisnem phra bnai bad kum u SP jong ka East KHasi Hills District u la bar saw snem hynniew bnai.
Haba kren ha kane ka sngi ba u la aiti ia kane ka kam sha u Davis NR Marak kum u SP ba thymmai jong ka East Khasi Hills District, u la ong ba ha kine ki 20 snem ba u la don ha kane ka kam pulit 15 snem u la don ha East Khasi Hills District, u la ai khublei kyrpang ia baroh kiba la iatreilang ha kine kip or ba u don ha ka kam kum u SP.
Ha ka juh ka por u ai khublei ia ki seng bhang baroh , ki college, ki seng niam bapher bapher ki shnong ki thaw kiba la ai ka jingiatrei lang ha kine kip or baroh u ong ba ai kane ka jingiatrei lang kan dang iaid sha khmat kumba ka long ha kine kip or kiba la dep.
