Shiteng kynta ia kren u Prime Minister U Modi bad u President ka America u Trump

New Delhi, Nailar 19: U myntri rangbah duh jong ka Ri India u Narendra Modi mynta ka sngi u la ia kren lyngba ka telephone haduh shiteng kynta bad u president jong ka ri Amerca u Donald Trump.

Ha kane ka jingiakren kaba shitengkynta kila ia kren ha ka jingiadei ha pdeng ka Ri India bad ka ri America, ka jonglong jingman ha kane ka thain.Ha kane ka jingiakren u la pynkynmaw ia ka jingiakynduh ha ka G-20 kaba la long ha Osaka mynta u snem.

Haba kren halor ka jingiakynduh ha ka G-20 ha Osaka u myntri rangbah duh jong ka Ri India u la ong ba u don ka jingkyrmen ba ka khaii pateng hapdeng kine ki ar tylli ba kin ia kynduh noh kham kloi ban ia kren na ka bynta ka jingmyntoi hapdeng kine ki ar tylli ki ri.

Haba phai sha ka jinglong jingman ha kane ka thain, u la on ba ki don ki jingkren kiba long pyrshah ia ka Ri India bad ban wanrah ia ka jingiakhih da ki katto katne ki nongialam  kaba la pynlong ba kam don ka jingshong suk. Na ka liang jong u Modi u la ban jur ba don kam ban wan rah ia ka jingshong suk kaba la lait na ki kam lehnoh bala phah na shiliang khappud.

U  myntri rangbah ka Ri India u la pynpaw ba ka Ri India ka long kaba la kloi ban ia treilang bad no bad no kiba kloi ban but ia ka lyngti jong ka jingsuk, ban ialeh pyrshah ia ka jingduk, ka jingsah dien ha ka pule puthi bad ia ka jingpang jingshitom.

Na ka  liang jong u myntri rangbah duh jong ka Ri India u la ong ba mynta ka sngi ka dei ka sngi ba ka Ri Afghanistan ka dap shipspah snem jong ka jingioh laitluid bad ka Ri India ka ieng ha ka nongrim ba katei ka ri ka dei ban ioh ia ka jinglaitluid kaba shisha. .

Na ka liang jong u Myntri rangbah duh jong ka Ri India u la pynpaw ia ka jingsngew ba kine ki nongialam jong kine ki ar tylli ki ri ki juh ia kren na ka por sha ka por.

 

 

What Next?

Recent Articles

Leave a Reply

Submit Comment

*