Shillong, Lber 05: Ki shipai BSF kila ioh ban kurup haduh 3,072 tylli ki kor pyniap skain pyrjong na Umsyiem ha East Khasi Hills District katba dang thmu ban phah sha Bangladesh bad kine ki kor kila kot sha ka T.2.6 lak tyngka.
Ki shipai BSF mar ia ioh ia kane ka jingtip kila leit sha Umsyiem bad ha ba kila poi sha kane ka jaka kila khang kdong bad kine ki nongkit kila pyrshang ban ia khun pyrshah ia ki shipai bad ha ba kim sngewioh lad da kumwei pat kila bret ia ki jingkit bad phet krad ban pynlait im ia lade.
Haba ki BSF kila kurup ia ki synduk kot kiba la song la shem ba ki dei ki kor pyniap skain pyrjong ia kaba la thmu ban shllan tuh na katei ka jaka sha Bangladesh.Ia kine ki kor la wan kit da ki kalo haduh u mawthum bad ki nongkit ki kit ban rah sha Bangladesh hynrei da ka jingkloi jong ki BSF la lah ban ioh kurup ia kine ki kor pyniap skain pyrjong.
