Shna pynbha ka synjuk ki waheh shnong Iooksi ia ka surok ban leit sha jaka rep

Shillong, Naitung 26: Ka Synjuk ki Waheh Shnong Iooksi Pyllun mynhynnin ka sngi ha ryngkat ki paidbah nong shong shnong na ki Shnong ba marjan ki la ioh ban maramot ia ka Surok naduh Umdeinlin shaduh Sha Talow bad Umbluh.

Kane ka  Surok ka dei kaba ki paidbah nongrep naka ka shnong Iooksi Pyllun ha ryngkat ki nongshong shnong ba Marjan ki shait pyndonkam bha naka bynta ban leit bri leit lyngkha, kit maw kit shyiap bad kit dieng kit siej bad u la long ruh u budlum jong ka roi ka par iaki paidbah nongshong shnong ka thaiñ Iooksi.

Hakane ka Jingleit maramot ia une u Surok daki spah ngut ki paidbah nongshong shnong naka Iooksi Pyllun kiba kynthup iaka Iooksi Iapkhla, Iooksi Kyanmynsar, Iooksi Tongkiad, Iooksi Priang bad Iooksi Umdeinlin ha ryngkat ki shnong ba Marjan kum ka shnong Umsalait ki la hiar ha ryngkat ki mohkhiew ki lyngkha ki ban maramot ia une u Surok.

Naka Liang ka Synjuk ka la ai Khublei ia u Ma Nehimaya Tyngkan uba long uwei na ki nongshong shnong ka shnong uba la iarap kylluid mynsiem na la pla lajong da ki maw naka bynta ban ioh Pyndap ia baroh ki thliew ki syar kiba don ha shilynter une u Surok.

” Ngi ai khublei Shibun eh ia une u Samla halor ka jingiarap jong u iaki paid nongshong shnong daki maw naka bynta ban pynsuk iaka leit ka wan jong ki paid Nongrep, bad ngi Kitbok kitrwiang ia une u Samla rangbah ba un nanglah ban poi Sha ka thong kaba u angnud,” la ong u Samla Leonard Rabon President ka Synjuk Waheh Shnong Iooksi Pyllun.

” Ngi ai Khublei ruh iaki riew paidbah ka thaiñ kiba la kloi ban ai Sngewbha da ki Bolero Pick up, ki S Fourwheel naka bynta ban pynpoi iaki maw Sha ki jaka ba maramot surok, ngi ai Khublei ruh hakajuh ka por ia baroh ki paidbah kiba la wan ia snohkti lang hakane ka Jing maramot iautei u Surok” la ong u Ma C Tangliang Secretary Synjuk Waheh Shnong Iooksi Pyllun.

Hakane ka sngi u ma Nehimaya Tyngkan dalade ula hiar sha kane ka jaka naka bynta ban iarap ia trei lang bad ki paidbah, ha kaba la iadon lang ruh ki Waheh Shnong bad Secretary shnong jong baroh ki shnong kiba hap hapoh ka Iooksi Pyllun .

Kane ka long katkum ka kyrwoh ba la pyllait da u Samla Nangaibormi Sutnga Publicity Secretary ka Synjuk Waheh shnong Iooksi Pyllun.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet