Shillong, Iaiong 11: Ka Shad Suk Mynsiem kaba lai sngi kaba la pynlong ha Madan Weiking da ka Seng Khasi Kmie kaba la sdang ha ka 9th kala kut mynta ka sngi hapdeng ka jingphun jingphing ha kaba kiba la wan ia shim bynta ki long 1196 ngut kynthei bad shynrang, ki shynrang ki don 618 ngut, ki kyhthei ki don 578 ngut.
Ha kane ka sngi nalor ki nongshad kiba wan sakhi ia kane ka shad ruh ki long palat phew hajar kiba la wan na kylleng ka ri khasi jaintia ban, ha kane ka sngi, u Symbut Mytnri Rangbah ka jylla u Bah Prestone Tynsong u la wan ban sahkhi lang ia kane ka shad na ka liang jong ka sorkar bad la don ruh ki MLA.
Na ka liang jong ka KHADC la wan ban shakhi lang da u Shongknor ka iing dorbar u bah Lamphrang Blah, nongialam ka liang pyrshah ha KHADC u bah Pynshngian Syiem, u bah Teborlang Pathaw EM ka KHADC.
Ha kane ka sngi u nongbah ba rangbah ka High Court Meghalaya u Justice Sanjib Banerjee, u Justice, Justice Hamarsan Singh Thangkhiew kila don lang ban shakhi ia kane ka Shad Suk Mynsiem, ha kane ka sngi ki tynmen ki san jong ka Seng Khasi Kmie ruh kila ia poi lang ban sakhi lang ia kane ka sngi.
Ka shad Suk Mynsiem ha Madan Weiking mynta ka snem ka long khampher namar ha kaba la pyni paidbah ia ka shad ha madan Weiking ha Khyndailad da kaba buh ia ka skirn kaba heh ba ki paidbah ki bym lah ban poi sha madan Weking kin ioh ban peit ha katei ka jaka ia ka shad Suk Mynsiem.
