Shongshit ka jingrakhelehkmen ka Seng Khynnah Seng Khasi Kenmynsaw

Seng KhynnahKenmynsaw, Kyllalyngkot 06: Ka Seng Khynnah Seng Khasi Kenmynsaw (Synteiñ) ka la pynlong ia ka jingrakhe lehkmen kaba 12 mynta u snem ha madan shad Raikohmit ha ha ka 31 tarik u Nohprah, 2017 ryngkat ki tamasa bapher kabala sdang naduh ka 28 tarik u Nohprah 2017 hapdeng ka jingshongshit bad shongkun.

Kane ka jingrakhe lehkmen jong ka Seng Khynnah Seng Khasi Kenmynsaw ba la pynhiar ia ka lama ka Seng Khasi da u Vice President ka seng Khasi Kenmynsaw u Rangbah Smatsting Langpen. Ka long ruh  kum shi bynta ka jingpdiang sngewbha ia u snem thymmai 2018 uban long u snem uba bha ha baroh ki liang.

Ki riewngbah kiba la ai jingkren ha katei ka sngi ki la kren shaphang ka jinglong tynrai ha ka niam tynrai, ka riti ka dustur Khasi. Ki la ai ruh ki tien sneng tien kraw ia ki hep rit, ki samla bad ki tymmmen ki san. Ki la ong ruh ba ka riam tynrai Khasi ka long ka riam kaba pynithuh ia ka jaidbynriew Khasi. Ki la sneng ruh ia ki parakur parakha ban bat la ka tynrai ban im ka jingim ba bha bad ban eh ban ksoh la ka niam ka riti ka dustur bad burom ia kiwei pat.

Ha kitei ki sngi naduh 28 tarik ter ter haduh ka 31 tarik Nohprah,, 2017, ka Seng Khynah Seng Khasi Kenmynsaw lyngba ka jingbtin lynti ki riew rangbah ka Seng Khasi Kemynsaw la pynlong ia ki tamasa jingiakob bapher bapher kynthup ia ki tamasa kiba don jingiasnoh ban pynneh pynsah ia ka riti ka dustur jong ka niam tynrai kum ka siatkhnam, temksing, rwai tynrai , jingneng tymmen, Phawar, drama lyngkot, shad tynrai bad kiwei kiwei ki tama kiba kit jingmut. Ia ki khusnam jingiakop bapher bapher la sam da ki riew rangbah ka Seng Khasi sha ki nongjop kynhun bad marwei.

What Next?

Recent Articles

Leave a Reply

Submit Comment

*