Shillong, Naitung 26: U Nongialam jong ka seng Congress u Dr Mukul Sangma u ba dei ruh u myntri rangbah ba rim jong ka sorkar Meghalaya, lem bad u Bah Himalaya Shangpliang bad ka Dikanchi Shira kila leit sha Ranikor ban ia kynduh ia ki paidbah shuwa ban rai ia ka kyrteng jongu kyrtong ha ka 30 tarik mynta u bnai.
Ki khubor kiba ia jan bad ka seng Congress ki iathuh ba kane ka jingleit ka long ban ia kynduh ia ki paidbah jong ka thain bad khamtam eh ha kaba ia dei bad ki nongtrei jong ka party Congress namar ha dien ka jinghiar shuki jong u MLA u Martin M Danggo bad leit ban pyniasoh sha ka seng NPP.
Na ka liang jong ka seng Congress kala thung ia u Bah P K Nongmin kum u president ba shipor jong ka party hapoh jong ka Ranikor Konstitwensi ban peit ia ki kam jong ka party. Kane ka jingleit jong ki nongialam jong ka seng Congress khamtam u Dr Mukul ka long ba ia kynduh ia ki briew halor kane ka elekshon shiteng samoi ia kaba ka ECI kam pat pynbna.
Na ka liang jong ka seng Congress kila pynsngew ba ha dien ba la wan phai kitei ki lai ngut ki nongialam jong ka seng Congress ka party kan sa pynkhreh ia ka elekshon shiteng samoi na Ranikor ban ia khun pyrshah ia u kyrtong ka NPP u ba la mih na ka seng Congress.
