Shuwa ban leit ia kynduh ia ka PSC khot u CEM ka KHADC ia ka jingialang ki MDC la sngi Palei

Shillong, Kyllalyngkot 14: U Chief executive Member jong ka Khasi Hills Autonomous District Council u Bah Latiplang Kharkongor u la ong ba shuwa ban leit ia kynduh ia ka Parliamentary Standing Committee (PSC) u la khot ia ka jingialang jong baroh ki MDC ka ban long ha ka sngi palei.

Haba kren ha ki nongthoh khubor mynta ka sngi, u la ong ba ka jingkhot ia katei ka jignialang ka long ba kum ka KHADC haba ka leit sha ka PSC ka long ban pynsngew tang ia kaei ka sur sha katei ka Kommittee. U CEM u la ong ba um kwah ban mih bun tylli ki sur ha kaba ia dei bad ka jingpynkylla ia ka Sixth Schedule.

Ki phang kiba ka KHADC ka kwah ban leit rah sha katei ka kommittee ka long ban pynsngew ba ha KHADC ka dei ban don 37 ngut ki MDC, 35 ngut dei ban jied da u paidbah bad ar ngut dei ban thung da u Lat jong ka jyla, ha kaba kawei dei ban long ka kynthei bad u wei u shynrang kumba la dep rai hapoh ka iing dorbar.

Lah ban kdew hangne ba u lamphang jong ka Parliamentary Standing Committee u Annan Sharma un wan sha Guwahati ban ia kynduh ia ki Autonomous District Council kane ka thain, ki seng bhlang ban sngap ia kaei kaba ki don ban ong halor ka jingthmu jong ka sorkar pdeng ban pynkylla ia ka Sixth Schedule bad kaei kaba ki don ban ong.

 

 

What Next?

Recent Articles

Leave a Reply

Submit Comment

*