Shillong, Nohprah 06: Ki samla wad kam kiba la dep ban pyndep ia ka jingthoh eksam ka jong ki na ka bynta ka kam pulit Special Force-10, mynta ka sngi kila dawa na ka sorkar ba ka dei ban pynmih noh ia ka rislot shuwa ban pynbna ia ka election MLA hapoh jong ka jylla.
Haba kren ha ki lad pathai khubor mynta ka sngi ha Shillong Press Club u Bah Pynshngianglang Kharumnuid, ha ka kyrteng jong baroh ki samla kiba la thoh ia ka eksam na ka bynta ka SF-10 ki dawa ba ka sorkar ka dei ban pynmih noh ia ka rislot shuwa ban pynbna ia ka election MLA hapoh ka jylla Meghalaya.
Haba ia dei bad kane ka kam pulit ka sorkar kala khot aplikoshon ha u bnai Rymphang jong u snem 2016 bad ia ka jingiamareh la pynlong ha u bnai Risaw bad Naiwieng jong u snem 2016 bad kiba la shah jied kila thoh ia ka eksam jong ki ha u snem Lber bad Iaiong jong u snem 2017 hynrei haduh mynta ka sorkar kam pat pynbna ia ka rilsot.
La ong ba baroh ki kam kiba lait ki long 2751; hynrei na kid aw kiba ym lah ban tip la don kiba leit mudui ia kane ka kam sha iing shari bad ha ka juh ka por na ka liang jong ka iing bishar jong ka High Court jong ka Meghalaya kala ai ia ka rai ba ka sorkar ka lah ban pynbna ia ka result wat la ia ka jingshong bihsar kaba khatduh ym pat lah ban pyndep.
Kine ki samla wad kam kiba la dep ban thoh ia ka eksam kiba don haduh 3000 ngut kila ong ba halor katei ka rai jong ka iing bishar ka sorkar ka dei ban pynbna noh ia ka risolt jong ki bad ka dei ban leh shuwa ban pynbna ia ka election ha ka jylla, ong u bah Kharumnuid.
