Shuwa ka MLA elekshon Pynthymmai ka AICC ia ki nongkit kam ka party ha ka MPCC

Shillong, Kyllalyngkot 02; U president jong ka All India Congress Committee (AICC) u rahul Gandhi u la pynthymmai ia ki nongkit kam jong ka party hapoh jong ka jylla Meghalaya hapoh jong ka Meghalaya Pradesh Congress committee(MPCC) ha kaba u la thung ia u Dr Celestine Lyngdoh kum u president u bah Vincent H pala kum u working President.

Kane ka jingpynthymmai ia ki nongkit kam hapoh jong ka MPCC ka long na ka bynta ban pynkhlain ia ka party shuwa ba ka jylla kan leit sha ka MLA elekshon ka ban long mynta u snem ha kine ki khyndait bnai ban wan.

La thung ruh ia ka Election Committee, ki dkhot ki long u Dr Celestine Lyngdoh, Dr mukul Sangma, bah Vincent H pala MP, bah james Lyngdoh, Dr DD Lapang, ka Debora Ch marak, u Martin M Danggo, u Prof R C Laloo, u bah Kennedy Khyriem, u Cherrak K Momin, u bah Cahrles Pyngrope u bah RV Lyngdoh bad ka kong Joplin Scott Shylla.

 

What Next?

Recent Articles

Leave a Reply

Submit Comment
*