Sngewkhai ka KSU halor ka jingailad shong kha khleh u Syiem Hima Maharam

Shillong, Nohprah 05: Ka KSU South West Khasi Hills District ka sngewkhia bad ka pynrem jur halor ka jingleh klet jong u Syiem Maharam da ka pynpoh ruh iaka burom ka ijot jongka Hima hakhmat ka pyrthei da kaba ailad ia u bym dei trai jylla  ban wan shongkha hapoh ing syiem.

Toi ka shongkha shongman ym lah ban khang hynrei na bynta ka burom jong ki Syiem bad ki Hima Khasi u Syiem Maharam u la dei ban pyrkhat bha ban nym wan pyni ia kaba kum kane hapoh ka Hima bad hakhmat ki khun ki hajar.

Ka seng ka sngew ba u khlieh nongshynshar ka hima u la die ia ka burom ka Hima da kaba u wan ban pyni hakhmat uba bun ba lang bad hapoh ka Hima iaka jingailad shongkha khleh jong u.

Kat u Syiem Uba bat ia ka ka riti ka dustur bad ka jingngeit jongki khun ki hajar ka hima la paw tyngkrein ba u la pynkhein bad kane ka long kum ka jingai mynsiem ia kiwei pat ban shongkha khleh.

Ka jing ai mynsiem jong une u Syiem ban ia shong kha khleh ka long ka jingma iaki khun Ka hima Maharam bad ym tang katta iaka Jaitbynriew hi baroh kawei. Ka seng kam khang ia ka jingieit ki ar ngut hynrei ka pynrem pat ban pynpaw tyngkrein hakhmat uba bun ba lang ha ing Syiem naba ka imlang sahlang hapoh ka Thain Mawkyrwat lei kam pat pdiang iaka shongkha khleh.

Ka seng ka mynjur bad kyrshan ruh iaka jingong ka Synjuk ki Rangbah Kur, South West Khasi Hills District ba kane ka jingpynrung khyllah jait ka ” Pynkylla ba-ji iaka Ing Syiem jong ka Hima Maharam”.

Ka KSU ka Kyrshan ruh iaka jingkyntu jong ka FKJGP South West Khasi Hills District ba “ki Myntri ka Hima Maharam ki dei ban lum ban lang iaki khun ki hajar ban iakren halor kane bad kumjuh ruh halor ka jingdawa jongki naka KHADC ban kren ne leheiei halor kane “. Ka seng ka ai jingkyrshan pura iaka Synjuk ki Rangbah Kur bad iaka FKJGP halor kane ka bynta.

Shuh shuh ka seng ka buh jingkylli ba ” Shano ki jah ki Myntri ki Korbar ri ka Executive Durbar jong ka Hima ban kren ia kane? “. Lada ki Myntri bad ki korbar ri ka Hima Kim pat kren sngewbha ban kren noh bad ban mih ruh shakhmat ban lehei ei halor kane. Ki don ki bynta ba dei ban mynjur hynrei halor kane ka seng kam sngewdei ban mynjur. Ka kyrwoh na u Samla Jiedskhem Nongsiej, General Secretary, KSU South West Khasi Hills District.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet