Sngewkhia ka KSU ba khlem burom ka sorkar Assam ia ka shithi u DC ka WJH District

Shillong, Rymphang 05: Ka Khasi Students Union Lapangap Unit ka la pynpaw iaka jingsngewkhia halor ka jingbym burom bad jingbym khein snep ka sorkar Assam iaka shithi ba la phah da u DC ka West Jaintia Hills District sha U DC ka West Karbi Anglong District Assam.

U DC ka West Jaintia Hills ha ka shithi ba u la phah sha u DC ka West Karbi Anglong  ula pyntip ba ki nongshong shnong ka Shnong Lapangap ki la tyrwa ban ia mih paidbah lang naka bynta ban maramot ia u surok na Khanduli shaduh sha Lapangap mynta ka sngi.

Ka long kaba sngewkhia ban iohi ba wat hadien ba naka liang u DC ula dep pyntip sha ki bor sorkar ka Assam ruh, hynrei mynta ka sngi katba ki paidbah ki dang ia mih naka bynta ban maramot ia utei u surok, kynsan lah wan pynban ki pulit Assam kiba la pynsangeh jubor iaki paidbah kiba la mut ban maramot ia utei u surok.

Kane ka jingpynsangeh ki pulit assam iaki paidbah ka shnong Lapangap wat hadien ba u DC ka West Jaintia Hills ulah dep pyntip lypa ruh ka pyni ba ki bor sorkar kim khein snep ia u DC ka West Jaintia Hills District.

Halor kane naka liang ka KSU Lapangap Unit lyngba u kyrwoh ba la phah da u Samla Saikil Sumer General Secy katei ka Unit ula kyntu iaki bor sorkar ba kin sngewbha ban tuklar kloi iakane ka kam khnang ba ki paidbah kin iohlad ban maramot ia utei u surok khnang ba ki nongshong shnong kin nym shem jynjar haka leit ka wan bad ka kit ka bah.

Ka Seng ka la pynpaw iaka jinglyngngoh ruh ba kumno ki bor pyniaid District ka West Jaintia Hills ki ailad iaka Assam ban pyntrei thik thik ia u surok uba hap ha u pud u sam ka Jylla katba haba ki paidbah ka shnong Lapangap ki mut ban pynshna ia u surok hakatei ka shnong pat ki shah khanglad pynban haki pulit Assam nalor ba u DC ulah dep pyntip sha ka Assam ruh.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet