Sngewnguh Iingbishar ka AJYWO halor ka jingrai pynrem ia u Small Phawa

Jowai, Nailur 29: Ka AJYWO Central Body ka sengbhalang na Jaintia Hills kaba la don ha barabor ha syndah jong ka kawei ka khynnah kaba la shah leh be-ijot ha u Small Phawa, ha u snem 2011, ka pynpaw ia ka jingsngewnguh kaba khraw haduh katta katta ia ka Ingbishar ba donburom, ka District and Session Court, West Jaintia Hills District, ia ka Meghalaya State Legal Service Authority, ia ka Iingbishar ba donburom, ka Meghalaya High Court halor ka jingshah rai pynrem jong u Small Phawa kat kum ki kam bymman jong u pyrshah ia katei ka khynnah rit ba pli.

Ka AJYWO ka  seng kaba ieng na ka bynta ka hok jong ki samla bad ki khynnah  ka pynpaw ia ka jingsngew nguh ia baroh ki nongiasaiñ, naduh kito kiba la mihkhmat naduh ka Fisrt Track Court, haduh ha Ka Meghalaya High Court bad ruh haduh ka District and Session Court kiba la trei shitom miet la bad sngi ban ia said na ka bynta ka hok  jong katei ka khynnah kat haduh ba ka la ioh ia ka jingbishar kaba hok.

Kum ban shu pynkynmaw ha ka sngi 2 tarik u Nohprah 2011 ka kmie jong katei ka khynnah ka la wan sha office treikam jong ka AJYWO Central Body ha Jowai bad pan jingiarap halor ka jingshahleh be-ijot jong ka khun jong ka ha u Small Phawa ha ka miet 30 tarik u Naiwieng, 2011.

Ka AJYWO da ka mynsiem kaba sngewkhiaia katei ka khynnah ba pli, ka la la iarap wut wut ia katei ka khynnah da kaba iarap ia ki ban ujor FIR wut ha ki pulit jong ka Jowai Police Station ha katei hi ka sngi bad ka jingbishar ia ia katei ka case ka la iai sha khmat.

“Hooid wat la ki jingpynduh jingkyrmen ki wan pakhang lynti ia katei ka long iing bad ia ka seng lyngba ka jingshalak jong u Small Phawa bad ruh lyngba ka rai jong ka First Track Court ha u snem 2015 hynrei ka hok ka ieng rasong. Da ka jingkut jingmut jong kiba ha iing ha sem ha ryngkat ka jingkyrshan bor bad mynsiem jong baroh kito ki ba la iadon lang bad ngi, kumta wat hapdeng ka jingduk jingkyrduh, da ka jingisynei jong u Blei ha kaba khatduh katei ka khynnah ka la ioh ia ka jingbishar kaba hok. ”, ong u Bah M.H Dkhar, President jong ka AJYWO.

“Halor ka jingbishar bahok jong ka Session Court, WJHD  halor ka jingshah leh-be-ijot jong katei ka khynnah  bapli da kaba rai ia ka jingrai pynrem ia u Small Phawa, ka AJYWO District and Session Court, West Jaintia Hills District, ia ka Meghalaya State Legal Service Authority, ia ka Iingbishar ba donburom, ka Meghalaya High Court bad ruh ia baroh ki nongiasaiñ baroh kiba la trei shitom miet la bad sngi ban ieng ia said na ka bynta ban pynioh ia ka hok ia kawei ka khynnah” ong shuh shuh u Bah M H Dkhar.

U Bah M H Dkhar u la ong ruh ba na ka liang jong ka AJYWO ka pynpaw ruh iaka jingsngewnguh kaba kyrpang ia ka CSWO hapoh ka jingialam jong ka Kong Agness Kharshiing kaba la shim ruh ia ka bynta kaba khraw ha ka ban iarap ia katei ka  khynnah kat haduh ba ka la ioh ia la ka hok”

Kane ka rai ba donburom bad ba shonghok jong ka Session Court, WJHD,  nalor kaba pynioh ia ka hok iakatei ka khynnah ba la shah leh be-ijot, ka ai mynsiem ruh ia kiwei pat ki kynthei khynnah ki ba la hap bad ruh ki ba lah ban hap ha kaba kum kane ka apot ba ka aiñ bad ka Iingbishar ka don bad ba ka hok ka ieng rasong barabor ha kaba khatduh lada ngi iaishah bad trei shitom.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet