New Delhi, Risaw 12: U myntri rangbah duh jong ka Ri India u Narendra Modi, mynta ka sngi u la pynpaw ia ka jingsngewsih kthang ka jong u halor ka jingkhlad kyndit jong u Archbishop jong ka jylla niam bah Shillong Archdiocese ha ka jingiatyngkhuh kali ha California, America.
U myntri rangbah duh jong ka Ri India u la ong ba u dap da ka jingsngewsih ban ioh ia kane ka jingtip halor ka jingkhlad noh jong u Archbishop jong ka jylla niam Shillong Archdiocese, u myntri rangbah duh ka Ri u la ong ba ia u Rev Dominic Jala yn kynmaw kum u briew u bay m lah ban seng na ka jylla Meghalaya ha kaba ia dei ban kyntiew ia ka jylla.
U duwai ba ai ka mynsiem jong u kan ioh ia ka jingjahthait bymjuh kut, u myntri rangbah duh ka ri u la pynkynmaw ba ia u Rev Dominic Jala la pynkyntang lyngoh ha ka 19 Naiwieng 1977 na ka jingiasyllok riew niam Salesians jong u Don Bosco, u la long u provincial jong ka Guwahati province bad u la shah jied ban long archbishop jong ka Shillong ha u Nohprah 1999.